رواية بنت الأكابر بقلم ندا الشرقاوى
_سؤالي واضح وبسيط مين دي وجت ليه؟ اشمعنا أول ما جت بعد كلمتين وشك اتغير وليليان دخلت بسرعة والست مشيت وشها يقمر عيش
زهرة
_دي خالتك ام عبدالله اللي على اول البلد كانت جاية تطلب…. تطلب ايد ليليان لابنها عبدالله…
قاطعتها قمر بدهشة
_تطلب اي؟ ايد ليليان لعبدالله؟ يعني اي
يونس
_قصدك أن عبدالله دا هو اللي خطفها
قمر برفض قاطع
_لا….. لا ميعملهاش دول ناس آخرهم يزرعوا ويحصدوا أما خطف لا ويوم ما يخطفوا مش هيخطفوا من عيلة المحمديه، نكمل
بعد ساعتين وجدت أن الكاميرات قد غلقت هتفت بصياح
_الكاميرات اتوقفت؟ يعني اللي عمل كده من جوه السرايا، حمزة اي اللي حصل
_أنا طلبت من جدو محمد أننا نروح عند الخيل وبعت معانا 3 من الحرس والغفير في أول ما وصلنا ظهرت عربية كبيرة سوده نزل منها ناس كتير حد من الحرس شدني نحيته والتاني كان بيشد ليليان لكن بيشدها ناحيه العربيه
قاطعته قمر
_قصدك اللي دخل ليليان العربيه كان من الحرس اللي معاك يا حمزة؟
حمزة بتذكر
_ايوه كان منهم وضربوا الاتنين اللي معانا وخدوا ليليان ومشوا وانا بحاول امشي واحد منهم ضربني بس كده فوقت وأنا هنا
قمر
_والناس محدش ساعد
حمزة
_الحوار كله حصل بسرعه اوي
أحمد
_الناس غلابة يا قمر مش هيدخلوا نفسيهم في المتاهة دي هتلاقي الحريم قعدوا يصوتوا وخلاص الوقت دا وقت الرجاله في الغيط
_اجمعلي الحرس
أحمد
_كلهم برا
خرجت قمر وخلفها معتز وأحمد ووقفت يونس ليلحقها لكن اوقفه حديث زين
_أنت هنا بتعمل اي وجاي معاها ليه
يونس بتلاعب
_بكره تعرف يا زيزو عن اذنك
خرج وجدها تقف أمامهم وهى تقول
_مشغله معايا شويه ****، دخلوا وخرجوا من البلد من غير ما تعرفوا، يعني يدخلوا ماشي نقول مش هيخرجوا منها لكن دخلوا وخرجوا معاهم وحده من هنا، كُنتوا فين وهى بتتخطف ولا وهو بيض0رب حتى دا معرفتوش تدافعوا عنه، في وسطكوا خاين وخسيس غير اللي مشي لكن هعرفه ويا ويلك مني لو عرفتك وهعرفك لكن ساعتها اعرف أني هبعت روحك لفوق غورووو من وشي، معتززززز
_اوامر
قمر
_بلغ الشركة إني عاوزه أغير طقم الحراسة كله
معتز
حاضر
دلفوا إلى الداخل كانت قمر تشك في الجميع، لأول مره تكون هكذا نظرت إلى يونس وجدته ينظر إليها فقط
قمر
_دكتور يونس ممكن دقيقه
يونس
_اتفضلي
خرجا إلى الخارج نظرت إليه قائلة
_مش عارفه اقولك اي، أنت شوفت بنفسك الحياة اتغيرت 360 درجة في ليلة
يونس
_طب ما أنا حياتي بتتغير في ليلة
قمر
_عارفه انك ممكن تقعد يومين من غير ما تنام وأنك ممكن تقعد في العمليات عدد ساعات كتير وبضحي كتير
يونس
_قمر أنا
وجدت قمر إن زين يقترب عليهم هتفت بتغير الموضوع
نظر إليها بغرابة لكن اعتقد أن في شئ واقترب زين منهم قائلًا
_خير يا دكتور
قمر
_خير يا زين في حاجة
زين
_لا بس شايف الدكتور رجله خدت على هنا
يونس
_طيب يا كبيرة أنا هروح
قمر
_على القاهرة؟
يونس
_لا مش للدرجة على سرايا الراوي، نتقابل بكره باي
غادر يونس وقمر تتابعه حتى اختفى من امامها استدارت لزين قائلة
_خليك في حالك وابعد عن سكتي احسن ليك أنتَ وامك
في سرايا الراوي دلف يونس إلى الداخل بعد ما الغفر فتحوا له البوابه
الحاج محمود بقلق
_يونس حُصل حاجة يا ولدي الساعة 3 الفجر في اي
يونس بهدوء
_اهداء يا جدي ليليان بنت المحمدية اتخطفت
الحاج محمود
_اتخطفت كيف مين استجرا ويعملها
يونس
_البلد مقلوبه إزاي الخبر موصلش
الحاج محمود
_أني كُنت مسافر بلاد قريبة ولسه جاي من ساعتين
يونس
