رواية بنت الأكابر بقلم ندا الشرقاوى
هتفت بفرحة
_بجد
اومئت براسها بنعم
_ايوه بجد، قومي أنتِ بس وشدي حيلك وكلميني اوي تعالي على عنوان الشركة وفي حرس على الباب لو احتجتي حاجة كلميني وصاحب المستشفى دكتور يونس الرواي من البلد فا متقلقيش من اي مصاريف
ابتسمت لها ابتسامة واسعه لتقول
_مش عارفه اقولك اي ولا اشكرك إزاي بجد، شكرًا ليكِ أنتِ جميلة اوي
ابتسمت قمر بود
_تسلمي استأذن أنا بقا والف سلامة عليكِ ومش هسالك حصل اي بس أكيد الشرطة هتيجي تاخد اقوالك قولي اللي حصل بصراحة ومفيش اي حاجة عليكِ
خرجت قمر من الغرفة ومشيت في الممر لكن وقفت عندما سمعت اسمها من فاه يونس
_دكتور يونس اهلا وسهلا
يونس
_اهلا بيكِ جيتي وهتمشي يعني مقولتيش
قمر
_اقول اي، دكتور أنا اجي وامشي زي ما أنا عاوزه أنا جاية لمريضه يعني زياره مريض
يونس
_بس ياقمر
قمر
_قمر هانم لو سمحت ياريت تنسى اللي حصل امبارح نهائي، ودا سوف تفاهم مش أكتر عن اذنك عندي شُغل
وغادرت قمر
يونس في سره
_ماشي يا قمر أنا وأنتِ والزمن طويل
مرت الأيام ومر شهر وقمر تتجاهل يونس، وسما خرجت من المشفى وتعينت مساعدة السكرتيره الخاصة بقمر لأن السكرتيره سوف تأخذ اجازه بسبب ظروف حملها، لم تزور قمر البلد مُنذ عودتهم، اقتنى يونس ڤيلا بجانب قمر لكن لم تهتم ونقل هو وعائلته وبدا فتح شركة جديدة وهى شركة استراد مثل قمر.
_قمر هانم يونس بيه بره وعاوز يقابل حضرتك
قمر بغرابة
_يونس!!!! دخلية
استأذنت سما وخرجت وبعد دقيقتين دلف يونس
وقفت قمر لترحب به
قمر
_أهلا يونس بيه اتفضل
يونس
_أهلا قمر هانم
جلس يونس أمام قمر ليقول
_حبيت اتكلم معاكِ في موضوع
قمر باهتمام
_اتفضل سمعاك
يونس
_قمر أنا راجل مبحبش اللف والدوران، أنا راجل دُغري أنا طالب ايدك للجواز
قمر
يتبع…
يونس
_قمر أنا راجل مبحبش اللف والدوران، أنا راجل دُغري أنا طالب إيدك للجواز
قمر
_………..
عم الصمت عليهم قمر تنظر إليه وهو ينتظر الإجابة كرر سؤالة مره اخرى
حمحمت قمر بهدوء قائلة
_لية اشمعنا أنا
وقف يونس قائلًا
_هقولك دلوقتي حالًا تعالي معايا
قمر بغرابة
_على فين
يونس
_هتطلعي من هنا تركبي عربيتك من غير الحرس ولا السواق حتى تعرفيهم انك عاوزه تكوني لوحدك، وتروحي على الڤيلا بتاعتك تستنيني هناك.
قهقة قمر بصوت عالٍ
_اي الجو دا
يونس
_أنا هخرج من هنا حالًا يا قمر وتعملي اللي قولتلك عليه أنا عاوز اقعد معاكِ اتكلم في كذا نقطه وبعد كده وافقتي تمام رفضتي تمام برده عن إذنك
ولم ينتظر الرد وغادر من أمامها، نظرت إليه بدهشة استغربت نفسها انها تُريد المغادره كما قال تُحب المغامرة.
_سما عندي مشوار مهم برا الغي اي معاد وهكلمك بكره الصبح.
اومئت لها سما، وغادرت قمر دلجت إلى المصعد هابطة إلى الطابق الارضي، أخذت مفاتيح السيارة من الأمن واخبرت الحرس انها سوف تكون بمفردها لا تريد أحد خلفها وأن يخبروا أحمد ومعتز بهذا عند عودتهم من مقر الشركة الجديدة.
ادارت سيارتها واتجهت إلى الڤيلا الخاصة بها فتح الأمن البوابات ودلجت إلى الداخل ركنت سيارتها وجدت هاتفها يهتز وكان المتصل دكتور يونس.
قمر
_الوو
يونس
_اخرجي من الڤيلا
قمر بعصبية
_دكتور يونس في اي بقا لعبة في ايدك ما تيجي نتكلم جوا وخلاص
رد بهدوء
_اخرجي بره يا قمر أنا مستني قدام الڤيلا
نفخت قمر بنرفزة شديدة وعصبية واخذت حقيبتها وخرجت وأعطت المفاتيح للامن
