رواية التحدي المستحيل (كاملة جميع الفصول) بقلم اسراء هاني

فتحته بسرعة دون ان ينتبه وهو تبكي بشدة 

اتصل بصديق له بالشرطة وهو ما زال معها على الخط 

رائد: زين اهلا

زين بتوسل: رائد حعملك شير لموقع عربية بتتحرك دلوقتي فيها وحدة مخطوفة ابوس ايدك يا رائد الحقها

رائد: ابعت حبعتلها دورية بسرعة 

ارسل زين الموقع واعاد الاتصال برائد 

زين بدموع: لابسة حجاب ازرق وفستان اسود مقلم 

رائد " ما تقلقش في دورية قريبة من المنطقة 

زين برجاء: يارب يارب 

كان السائق ما زال مستمر بالقيادة وأجرى مكالمة 

_ جبتلك هدية حتعجبك اوي مش ااقل من مية الف انا جاي عشر دقايق حكون وصلت 

كانت تردد الادعية والاذكار وتناجي ربها حتى لمحت دورية تقف على التقاطع شعرت ان هناك امل 

انتبه لها السائق متأخرا فان استدار سيشكون به 

اخرج سك.ين وهمس: كلمة وحدة وما تلومي غير نفسك 

هزت راسها بالايجاب 

وقف السائق بتوتر شديد 

الظابط: وهو ينظر لملابسها فهم نفس المواصفات: مين دي 

السائق: اختي خلصت شغلها ومروحين

الظابط: طيب انزل افتح الشنطة نطمن مافيش معك ممنوعات 

وما ان فتح السائق الباب حتى وجد الأسلحة موجهه اليه وهبطت هيا بسرعة من السيارة 

السائق بفزع وهو يرفع يديه: في ايه يا باشا

الظابط: والله اختك دي الدنيا مقلوبة عشانها.. لكمه بقوة وصرخ: انت حتلبس قضية خط.ف مش ااقل من ٣ سنين يا حلو

السائق: خط.ف ايه انا كنت بوصلها 

الظابط: انت مش قولت شويا اختك 

كانت تنظر حولها حتى وصل زين وهبط مسرعا يركض نحوها وما ان رأته حتى ركضت إليه وتشبست بحض.نه ضمها برعب شديد وضغط عليها بقوة يطمئن قلبه 

رفع رأسه لمح السائق يقف معهم تركها وانهال عليه باللكمات

هناء ببكاء: خلاص يا زين عشان خاطري 

ضمها مرة أخرى وذهب بها إلى سيارته 

الظابط: عايزينها بكرة تكمل المحضر 

زين: ان شاء الله متشكر اوي

جلست بجواره جذبها مرة اخرى وهو يتنفض خوفا

هناء بخجل: زين ما ينفعش 

ابعدها وهمس باحراج: انا اسف بس والله كنت حموت رعب اول مرة في حياتي اخاف كدة

هناء: ليه يعني

زين: خفت ما الحقكيش.. أول مرة اطلب حاجة من ربنا من جوة قلبي كدة

هناء بخجل: ليه يعني احم اي زميل عندك بتقلق عليه كدة

نظر لها وسكت فهو لا يعرف سبب رعبه الشديد هذا 

زين بحدة: ركبتي تاكسي صح مش اوبر 

هناء: تأخر ولقيت تاكسي

زين: هناء ما ينفعش انت شوفتي بعينك حصل ايه الأوبر بنبقى عارفين مين اساسا بعد اللي حصل انا اللي حوصلك

هناء: ماهو..

زين: ايه حتأمني للاوبر اكتر مني ولا يمكن اسيبك تروحي لوحدك واعطيني أجرة الاوبر يا ستي اوعدك حاخدها لكن مرواح لوحدك ابدا... انا قطعت الخلف 

هناء بضحك: متشكرة اوي يا زين لولاك كان..

زين: هششش بعد الشر عنك.. صحيح انتي جبتي رقمي منين

هناء بتوتر: من يومين ما لقتش تلفوني فرنيت من تلفونك عشان اسمعه 

زين باستغراب: وعرفتي الباسورد ازاي 

هناء: انت كنت مكلم منه وما لحقش يقفل 

نظر لها بعدم اقتناع وهمس: تمام... يلا قوليلي امشي ازاي بقى 

وما ان وصل حتى امسك يدها وصغط عليها بحنان ضغطة كانت على قلبها 

زين: خلي بالك من نفسك 

هزت راسها وهبطت بسعادة ان رأت خوفه الشديد عليها وهو كان ينظر لاثرها بتيه ما سبب ما حصل له وقلبه الذي لا زال يؤالمه من الخوف 

وفي اليوم التالي ذهب إلى المحاضرة ولم يكن قد جهز البحث الذي طلبه الدكتور 

كانت تجلس على احد المقاعد تنتظره لم تجعل احد يجلس بجوارها وحينما يأتي تتظاهر بعدم الانتباه 

زين: عاملة ايه

هناء باصطناع المفاجأة " الحمد لله كويسة 

زين: انتي عارفة انا ما كنتش اجي كل يوم عالجامعة 

هناء باستغراب: وايه اللي تغير

نظر لها قليلا وسكت 

هناء بخجل " جهزت البحث اللي طلبه حيتحسب اعمال السنة عليه تن مارك 

لكم جبهته وقال بضيق: نسيت 

هناء بغيظ وحدة: عفكرة كدة ما ينفعش حاضيع مستقبلك.. ان فضلت كدة انا مش حكلمك بجد 

زين: يا خبر ايه العقاب ده.. لا خلاص حاجتهد بس تساعديني 

هناء: ماشي اما اشوف... وامسك دي 

امسك الورقة ينظر لها باستغراب وهمس: ايه ده 

هناء: كنت عارفة انك مش حتعمله فعملته ليك 

زين بصد@مة: وانتي 

هناء: عملت بتاعي تقلقش

لم يستطيع الرد فقط ينظر لها.. لماذا سعيد بجوارها لماذا اصبح لا يفرق مع المعجبات الآن فقط هيا.. 

ادارت وجهها وهمست: الدكتور جه انتبه 

زين: انتي اجدع بنت قابلتها في حياتي   

دق قلبها بشدة كم تمنت ان تكلمه لقد غيرت تخصصها بسببه.. اكبر أحلامها هو

تظاهرت بالانتباه مع الدرس لكن عقلها وقلبها معه