رواية التحدي المستحيل (كاملة جميع الفصول) بقلم اسراء هاني

اقترب منها وهو ينظر لها بمكر وهمس: عجبك حضني مش كدة 

رحمة بخجل: علي.. بلاش قلة أدب

علي: تعرفي ما توقعتش تكوني بالحلاوة دي.. يعني ان كنت عايزك قراط دلوقتي عايزك مية مليون قراط

شهقت بخجل وقالت بصوت اوشك على البكاء: والله العظيم اخاصمك كفاية انا حيغمى عليا

ضمها لحضنه وهمس.. تعالي اغمي عليكي في حض.ني 

قب.ل شفت.يها بحنان وهمس: نفسي افضل عمري كله ابصلك بس 

عمر: تحت السلالم 

شهقت بخوف واختبأت بحض.ن علي.. 

علي بضحك: ايه ايه.. بشوف اسنانها كاملين ولا نقصوا.. انا دافع دم قلبي بالبضاعة دي 

عمر بضحك: في عندنا فوق غرف تعد اسنانها براحتك

علي: ههههه حاخدها نخلص تجهيز اعد اسنانها في بيتنا وحاجات تانية 

عمر: ربنا يسعدكو 

ضمته رحمة وهمست: ويسعدك يا قلبي 

صعدت بسيارته ليهمس بهدوء: بلاش تحض.ني حد غيري 

رحمة: انت بتغير من عمر

اقترب منها حتى أصبح يتنفس انفاسها وهمس: ومن والدك والدتك ومن هدومك اللي انتي لابساها..

رحمة بابتسامه: ربنا يخليك ليا 

&&&

دخل والدها البيت ونادى عليها..

هناء: نعم يا بابا 

مصطفى: عندك معيد بالجامعة اسمه عدي 

هناء بتوتر: ايوة ليه 

مصطفى: كلمني وخد موعد عشان يتقدم 

هناء بصد@مة فهي من اعطت له الرقم حتى تغيظ زين: بابا انا.. 

مصطفى: انا ما باخدش رأيك على فكرة انا بعرفك يمكن لما تتخطبي ابطل الاقي واقفلي الخمس صلوات على باب الجامع 

هناء ببكاء: هو جالك تاني

مصطفى بسخرية: قولي مليون.. كل صلاة ونفس الكلام واخر كلامه حتجوزها وانت اللي حتجوزهالي بايدك 

هناء برجاء: وافق يا بابا والله زين مش وحش 

مصطفى بحدة: انا فتحت عاليوتيوب اشوف أفلامه اللي بتثبت بجد انه مش وحش.. الأخلاق ما بتتجزأش 

هناء ببكاء: دلوقتي بيرفض اي فيلم في الحاجات دي 

مصطفى: انتي بتغيري من خيالك حتتحملي تشوفي بيحب بحد حتى لو تمثيل 

هناء: انا حاتحمل نتيجة اختياري بس وافق 

مصطفى بتعب: الموضوع ده اتقفل انتي حتجهزي نفسك الليلة عشان جاي يطلبك 

هناء: الليلة اتفقت مع الخياطة بروفة الفستان قولوا بكرة 

مصطفى بابتسامه: وماله بكرة 

ذهبت هناء برفقة رحمة تختار فستانها ولم تتوقف عن البكاء

علي " يا بنتي تعبتي قلبي خلاص 

هناء: علي ينفع اطلب منك طلب 

علي: اكيد تفضلي

هناء " بتعرف المعيد اللي اسمه عدي نشأت 

علي: اعرفه مش على علاقه معاه اوي بس اعرفه ماله

هناء برجاء: قولوا ما يتقدمش واني بحب حد تاني اي حاجة والنبي

علي بحزن لانهيارها: حاضر اهدي اهدي كل حاجة حتتحل صدقيني 

هناء: انا حموت ان تجوزت حد تاني 

علي وهو ينظر لرحمة التي تبكي فقط على اختها: عجبك كدة خليتي قمري يعيط كدة.. شكلي حجيب لوالدك كل يوم عريس انتقم 

هناء بابتسامه: خلاص مش حعيط 

ضم رحمة من كتفها وهمس: ان شاء الله مش حيحصل غير كل خير... 

دخلت هناء المحل.. 

علي: رحمة تعالي ثواني نشوف المحل اللي هنا 

رحمة: طيب ناخد هناء 

علي: لا سبيها تقيس الفستان عبال ما نرجع 

كانت تشاهد الفساتين وكأنها لا تراهم بل في عالم آخر 

ليأتيها صوت ظنت انها تتخيل من شدة اشتياقها 

زين: كفاية عياط 

استدارت تنظر له ولم تعي نفسها الا وهي تركض لحضنه تضمه بكل ما اوتيت من حب استقبلها بكل ترحاب ضمها بشدة وبعد فترة رفع رأسه ينظر لها وهمس وهو يتأمل ملامحها التي اشتاقها بشدة: أصعب اسبوع يمر عليا.. وحشتيني اوي اوي 

هناء ببكاء: وانت كمان والله.. انا اسفة عالوجع اللي سببته ليك 

زين: حتى الوجع منك حلو انا قابل اي حاجة المهم بالاخر تكوني ليا

هناء: ان شاء الله 

نظر داخل عينيها الزيتونية التي اصبحت مع البكاء لوحة جميلة جدا وشفت.يها الحمراء من شدة البكاء وهمس وهو يبتلع ريقه: جننتيني   

قب.ل جانب شفت.يها ورفع رأسه ينظر لها وهي مغمضة عينيها ثم اقتنص شفت.تيها بحب يروي ظمأه واشتياقه قب.لة طالت قليلا.. ثم ضمها لصد.ره وهمس: حخلي ابوكي يحدفك ليا من البلكونة من اللي حعمله بيه.. انا حصير ظله مش حاعتقه

هناء " بابا مش بيستسلم بسهولة 

زين: وحياتك عندي لاخلي يقولي ابوس ايدك اعتقني خودها هيا وخواتها بس حل عني

هناء بضحك: يارب يارب

علي: مش كفاية كدة ولا ايه

هناء بخجل: هو انت.. 

علي: ايوة انا صعب عليا وكان حيق.طع شر.يانه قولتله خلاص حخليك تشوفها

رحمة: انا بحبك اوي اوي 

هناء بابتسامه: متشكرة اوي يا علي ربنا يسعدك 

علي: انتي اختي.. بكرة نبقى سلايف يا زين

زين بضحك: سلايف ههههه اسمها عدايل 

علي: ايوة صح عدايل هو ليه بسمونا عدايل

زين: عشان بنتعادل بالخا.زوق

نظر الاثنتين لهم بعينين واسعة 

علي بخوف: هو اللي قال انا ما قولتش هو طايل اساسا 

زين: احم على رأيك ده انا حموت نفسي واخد الخا.زوق ده قصدي انا اسكت احسن 

ضحك الجميع عليهم ولاحظت رحمة اشراقة وجه اختها بعد ان رأته

خرج زين ودار بسيارته لا يعرف ماذا يفعل حتى وجد نفسه امام مسجد دخل وتوضأ.. لم يكن قاطعا للصلاة نهائيا لكنه غير منتظم

بدأ يصلي وهو يدعو الله من صميم قلبه ان يريح قلبه.. ليس خطأ ان نصلي وقت نحتاج الله فربنا لا يريد مقابل منا.. 

لاحظه شيخ وهو يصلي ويبكي اقترب منه وهمس: ازيك يا ابني

مسح زين دموعه وهمس: الحمد الله يا شيخنا 

احمد: انا الشيخ أحمد تسمعلي اقعد معاك

زين: اكيد تفضل 

احمد: انا شوفتك قبل كدة وشك مش غريب 

زين بابتسامه: ايوة انا ممثل 

احمد: هو انا ما بشوفش تلفزيون بس صورك في الشارع احيانا 

هز زين راسه بتفهم ليكمل الشيخ: احكيلي يمكن ااقدر اساعدك 

بدا زين يروي له ما حدث 

احمد: والدها عندو حق تزعلش مني لو مكانه حارفض انت نفسك لو عندك بنت مش حتجوزها لممثل مش كدة 

اخفض زين رأسه ثم همس: طيب اعمل ايه 

احمد: اخبارك انت والصلاة ايه

زين بخجل: مش منتظم 

احمد: مش حقولك وقف تمثيل بس صلي بانتظام حتلاقي الراحة كلها بقلبك.. " فمن اعرض عن ذكري فان له معيشة ضنكا " سبب تعبك وخنقتك البعد عن ربنا.. ربنا اعطانا حلول لكل حاجة قالنا نمشيلوا خطوة حيمشلنا ميل بس احنا الدنيا واخدانا جرب صلي قيام الليل وادعي اي حاجة حيستجيب صدقني زي ما قال " ادعوني استجب لكم " واول ما تتنتظم بالصلاة حتلاقي نفسك بتبعد عن كل حاجة بتغضبه " ان الصلاة تنهى عن الفحشاء والمنكر " 

شعر زين بالراحة الشديدة عندما تحدث مع الشيخ وقرر فعلا ان ينتظم في صلاته ويقترب من ربه ليس فقط من أجل هناء ومن أجل نفسه لانه يريد ان يشعر بالراحة 

&&& 

نفين: واخدني فين بس 

عمر: استني خليكي مغمضة عيونك 

نفين: ماشي 

فتحت عينيها لتتفاجأ بغرفة أجمل ما يكون على جدرانها صورها منذ أن كانت طفلة.. 

تنظر حولها غير مصدقة ما ترى 

نفين بدموع: ايه ده 

عمر:ده اغلى مكان عقلبي اما كنت اتخنق من الدنيا اجي هنا 

نفين: للدرجة دي 

عمر: واكتر.. بصي هنا صورتك وانتي عندك ٥ سنين انتي عارفة بابا جابلي كاميرا اما طلعت الاول وكنت احوش مصروفي واطبعهم.. وهنا وانتي عندك ٧ وانتي بتسبحي وهنا لما خلصتي الابتدائية 

كانت تستمع له غير مصدقة انه يحبها لهذا الحد يتذكر تفاصيل كل صورة 

نفين: والبيت ده.. مجهز زي ما كنت عايزة   

عمر: ايوة كنت اخد رايك عاساس انه اما اخطب بس هو كان مستنيكي.. عارفة اصعب يوم في حياتي ودخلت المستشفى اسبوع يوم ما عرفت انك تجوزتي وانا مسافر انا القلب عندي كان حيوقف بس بعدها حاجة جوايا قالتلي حتبقى ليك وبقيت عايش على امل انك تبقي مراتي

كان يتكلم ودموعه تهبط وهي تبكي لأجله بشدة 

ضمته لحضنها حتى تتأسف له عما سببت له من عذاب 

عمر: كنت بحلم في اليوم اللي تبقي في مراتي حتى لو حموت بعدها 

نفين: انا اسفة يا عمر والله ما كنت اعرف

ظل يتأملها قليلا ثم نظر لشفت.يها التي طالما تمنى ان يتذوق شهدهم.. 

اقتنص شفت.تيها بقب.لة ارق ما يكون لكنها لم تبادله القب.لة من شدة خجلها لأنها لم تستوعب بعد انه زوجها من اعتبرته دائما اخ.. 

نظر لها وهمس وهو ينهج بشدة: عارف صعب عليكي بس ما قدرتش انا اسف

نفين بابتسامه: انت تعمل اللي انت عايزه ويلا نختار فستاني بسرعة... 

دخلت رحمة البيت بلهفة وكان والدها وهناء ونفين وقالت وهي تنهج افتحوا التلفزيون بسرعة.. 

مصطفى: خودي نفسك في ايه 

رحمة: شغلوا وحتعرفوا