رواية ابنه الراق@صه (كامله جميع الفصول) بقلم روزا

نوسه: هوا يا ابلتي.

نوسه نزلت في وقت كان متأخر بس ما اهتمتش عشان هتشوف حسين أخيرا.

نوسه لنفسها: أخيرًا ما عرفتش اشوفك بقالي فتره.

وصلت ولقيته واقف ماسك الكشف بيراجع الطلبيه.

نوسه بدلع: دكتور حسييين..

حسين من غير ما يرفع عينيه من الورق: اممم نعم اي خدمه اقدر اقوم بيها.

نوسه بغضب هادئ:الست بتقوو... وحينها نظر إليها وهي تتحدث فلم تقاوم عيناه الساحرتين توقفت عن الكلام وتاهت في ش-فتيه الورديتين وعيناه الرماديه التي تخطف الناظر إليها ثم قطع تشتتها بسؤاله..

حسين: مالها ماالها في ايه يا نوسه الست غاليه جرالها حاجه.

نوسه: هااا لا ابدا بس كانت عايزه منوم عشان مش قادره تنام.

حسين: ااه حاضر.. اتفضلي.. بقولك اي مافيش اخبار عن هدي.

نوسه: والله يا سي حسين من يوم ما اتكتب كتابها وراحت مع جوزها ما نعرفش حاجه عنها اديلها جمعه.

حسين: طيب يا نوسه سلميلي علي الست غاليه.

نوسه بنظره إعجاب: حاضر ولمست أيديه وهي بتاخد البرشام بس هو ما اخدش باله.

نوسه خرجت من الصيدليه: اي الواد الجبله دا دا انا ناقص اروح ابوس أيده عشان يبصلي كل شويه هدي يكونش كان عينيه منها بس ولو خلاص الطريق فضي هجيبك يعني هجيبك.

غاليه: ما لسه بدري يا مخفيه.

نوسه: والله ما روحت ف حته انا جبته وجيت علي طول.

غاليه: طيب وريني كدا.

نوسه وعلامات الاستفهام تدور في رأسها: هو الدوا دا لمين يا أبلتي.

غاليه: ما تدخليش نفسك في اللي ما يخصكيش يا بنت فرغلي لو ما كانش ابوكي موصيني عليكي قبل ما يموت هااااه كان قلبه علي صاحبه.

نوسه بخبث: طبعا مش كان عايز يعرف مين اللي قتله يا..

قاطعتها غاليه بكف علي خدها نزلت علي الأرض من قوته انتي يا بت مش هتتعدلي إلا أما أعدلك أنا ومسكت رقبتها في أيدها..

نوسه بصوت مبحوح: خلاص خلاص يا أبلتي حرمت..

غاليه: اوعي يا بت أسمع سيره عن الموضوع دا تاني ولا هدي تشم خبر أن ابوها م١ت مقتول وإلا هتحصلي أبوكي...

نوسه برعب: خلاص والله خلاص.

عند هدي.

قافله الباب علي نفسها وخايفه تروح تصحيه رايحه جايه في الأوضه أعمل إيه يا رب دلوقتي...

‏الباب خبط

‏هدي بخوف: نعم..

‏عماد وهو بيضغط علي الكلام: افتحي يا حبيبتي نوسه جايه تباكلك وتطمن عليكي.

‏هدي خدت نفسها: نووسه وحشتيني اوي يا نوسه تعالي.

‏نوسه بدموع: وانتي كمان يا حبيبتي واترمت في حضنها وبكت.

‏هدي: خلاص يا نوسه مالك اي اللي مزعلك.

‏نوسه بعياط خانق صوتها: الدنيا جايه عليا اوي مش عارفه لي.

‏هدي: طيب اهدي مش وقته الكلام دلوقتي هجيلك ونتكلم براحتنا المهم جبتي الحاجه.

‏نوسه: امسكي بتقولك خلي بالك من نفسك وأوعي حد يشوفك.

‏هدي بهدوء مصطنع: ما تخافيش.

‏بعد وقت قليل نوسه مشيت هدي دخلت تحضر الأكل وهي بتترعش رمت البرشام كله في الاكل. واخدت نفس طويل وخرجته بسرعه.

‏هدي: عماد عماااد الأكل جاهز..

‏هدي: عماد عماااد الأكل جاهز.....اي دا راح فين الراجل دا

عماااد انت في الحمام.

عماد: اممم طالع خلاص بطلي زن.

هدي: بدلع طيب يلا يا حبيبي عشان الأكل هيبرد. وكملت في نفسها هو ماله هادي كدا ليه معقوله يكون بيفكر إن العيب فيه بجد.

عماد قعد ياكل. عماد: ما كلتيش لي..

هدي بتوتر وبتلف وشها الناحيه التانيه: معلش بطني وجعاني..

عماد بدون رد كمل أكل وهو يتفحصها بعنايه شديده وفجأه قطع شروده صوت الباب.

عماد: استني انا اللي هفتح ادخلي جوا.

هدي يقلق: حاضر. ودخلت الأوضه وقفلت علي نفسها وقالت: ممكن يكون واحد صاحبه.. بس ايه اللي جايبه دلوقتي تبقي مصيبه لو أكل معاااه يا مرااارك يا بنت غاليه..

فجأه سمعت عماد بيقول.. هي جوا عايزكو تخلصوا الموضوع بهدوء مش أمي فهمتكو هتعملو اي مش عايز صوتها يطلع..

اتنين ستات: ايوه يا سي الأستاذ هو احنا تلامذه ما تقلقش هنجيبلك المنديل ملون إن شاء الله.

هدي فهمت: وقفلت الباب علي نفسها بالمفتاح.وفتحت الشباك اللي بيوصل علي المنور ونزلت علي المواسير للدور اللي تحته ودخلت من حمام الجيران علي الشقه ومنها علي باب الشقه بتجري بخفه عشان صحاب البيت ما يقلقوش وفتحت الباب وجريت علي السلم وهي سامعه عماد بيكسر الباب وبيقول هربت بنت الكلب...

عند غاليه.

غاليه:بت يا نوسه هاتيلي الفوطه انتي يا بت..

نوسه بسرعه: ايوه يا أبلتي معلش السماح سمعي تقيل..الفوطه يا ست الناس.