رواية قدري

نفس وكال
تعالي وراية .. رحنا يم الدرج جانت اكو غرفه
بصف الدرج ما بيها احد غير اختي الصغيرة
عمرها عشرة سنوات دتقره .. بلحظتها
حسيت بالذنب... بس بنفس الوقت
الاصرار مسيطر عليه .. الا اعرف الحقيقة
حسين... تفضلي اسالي شنو الي تردين تعرفينه
كوثر... ارتبكت لان صار سنين ما حاجيه
وياه.. استجمعت قوتي وكلتله ليش جان يباوع عليه وجان يكول
حسين... كل الي سويته لان احبج... اي
اني احبج ومن عمري ١٥ ما تقربتلج
لان كلت خلي تتعود عليه فد سنه علمود
تكومين تحبيني لان جنتي صغيره كولش
بس ولا مره سمعت منج هالكلمه الى ان
اجه اليوم الي اكتشفت بي خيانتج الي
كوثر... ردت احجي جان يكلي رجاء اسكتي
مخلاني احجي.. اني ابجي وهو يكمل بكلامه
حسين... شوفي من حجولي مصدكت ابدا
بس اذا تذكرين مره طردته من البيت
لان بوقتها كلي هنيالك على هاي الجوهرة
الي بالبيت بوقتها حست يباوع عليج بغير
نظرة ... ومن اجيت ارجعج ترسلت بابوج.
بس كلي متقبل لان كارهتك كل هذا وانتي متدرين .. ابوج كلي ليش لازك الها اذا هي
متريدك ... توسلت بي احجي وياج مقبل
تركتج 4 سنوات .. كلت علمود تنضج وتفكر
زين.. الى ان اجه اليوم الي كاموا يجوج
خطابه متحملت احس ڼار وتسعر بداخلي
احس روحي احتركت متحملت بعدج عني
1
بعدها قررت الخميس اجي على ابوج
وارجعج اريد اروي عطشي .. كلت اذا ما قبل
ابوج اصيحج بنص البيت. واكلج احبج
ومستحيل اكدر بدونج ... بس بوقتها اجت
امي وجان تكلي الي كتلت نفسك عليها ..
راح تزوج ابن خالتها معقولة بقيت مصډوم
ما اعرف شسوي .. ثاني يوم جان تجيني
رسالة من رقم مجهول... مكتوب بيها هههههه
اخذت جوهرتك ... من قريتها تدمرت
ما اعرف شصار بيه كرهتج مو بس كرهتج
حقدت عليكم انتو اثنينكم ... قررت انتقم
منج انتي وياه قررت اعتزل.. وطش الحجي
انو انتي بنيه واني الي مو رجال .. ما اخذتج
لان انكسر كلبي عليج جنتي بعدج طفله
وشفتج تلعبين ويه خواتي .. كلت اتركها
بهاي ٦ اشهر بلكي تتعود عليه جنت اريدها
ليلة خاصه جنت اريد اشوف الاهتمام بعيونج
الي جنت اريد اسمع كلمة حبيبي منج ..
صبرت بالتالي هيج اتجازه منج .. بوقتها
كلت الله يسعدج شسوي يعني وكلت اكيد انتي تحبينه .. مو هذا الي ردتي تعرفينة
كوثر... بقيت ساكته والدموع عشره عشره
لان حتى لو احجي مراح يفيد لان مصدك
كولشي .. الي راح راح بعد وميفيد الحجي
رحت للغرفه يم اختي الصغيره واني
دموعي عشره عشره .. سالتني كلتلها ايدي
توجعني ... مرت الايام واني نفس الۏجع
الي كل يوم اعيشه ويه عمتي وزوجي ..
لحد هذا اليوم اني احب ابن عمي ادري
هالشي حرام وشكد ما احاول امنع نفسي
بس ما اكدر لان اول ما فتحت عيوني عليه
هو ... حاليا بنتي عمرها ٤ سنوات ... وهو
لحد الان ممتزوج .. بس كالو علساس راح
يتزوج بس ما اعرف شيصير بيه من اسمع
هيج ادري هذا الشي من حقه لان اني تزوجت
وخلفت .. بس ما اكدر لحد الان اكو اهتمام بعيونه الي .. لهنا تنتهي قصتي حبيت اشاركم
بيها... وادعولي انسى وادعولي الله يهدي
زوجي وامه عليه ...