رواية قدري
المحتويات
درجه وحده
علي... لج شنو انتي ترادديني هااا
شو صايره صلفه
كوثر... عرفته يدور حجه علمود يتعارك
ويايه اني بسرعه كمت طفيت التلفزيون
ونمت.. كعدت الفجر جانوا اهلي عازميني
صليت جان يكلي
علي... ارجعي نامي ماكو روحه لاهلج
كوثر... بس عيب من ماما عازمتنا
علي... اني شكلت
كوثر... شنو السبب غير اعرف ليش متخليني
وبعدين صارلي شهر مشايفتهم ميصير هيج
راشدي حيل احس اذني صفرت ودفعني بالكاع حيل ظهري انركع بالحافه مال الكنتور
احس روحي شاغت .. اني بسرعه رحت طلعت برا وكمت ابجي بحركه گلب ودعيت
من كل گلبي يرزقني بطفل بلكي الله يستعدل
لان تعبت ما اتحمل بعد ... جانت خالتي
تكلي انتي عاقر لان كل الي تزوجن من ليلتهن
حبلن بس انتي جنت اريد الطفل اريد اخلص. من هذا الكلام وين متكعد تكول كدامهم
التماسيح
كوثر... كمت بسرعه لان مجرد نقاش واحد
راح يغير رأيئة ...اخذني مشي لاهلي جان.
بيتنا يبعد عن بيت اهلي ساعه تقريبا
اخذني واني امشي واتعثر بالعباية اكله
امشي على كيفك يمشي سريع ما الحك
بي... كلتله علي والله تعبت
علي... يعني ترديني اشيلج مثلا
كوثر... لا بس خلي نصعد سياره بطني وظهري
علي... مو اشتغل عند اليخلفوج علنود نصعد سياره ..
كوثر... لازم اتحمل ما بقى شي ما اريد
واحد يشمت بيه .. اول ما وصلت البيت بسرعه رحت على ماما دورت عليها ..
الام... ها يمه كوثر شتردين
كوثر... يمه اخذيني للمستشفى هسه فدوة لان
تعبت خلي يحولوني على النسائيه لان الالم فضيع خلي اسوي تحاليل مال هرمونات خاف
الام... لا يمه خليها العصر نروح
كوثر... لا ماما فدوة هسه
الام... ماشي
كوثر... اخذتني ماما وحجيت للدكتورة
كولشي جان تسالني
الدكتوره... شمد غايبتلج
كوثر... ١٠ ايام .. بس متعودة عليها تغيب
هلكد ومرات شهر يعني عادي
الدكتوره... سوي تحليل حمل
كوثر... رحت سويت تحليل وانتظرت
الدكتوره... مبروك حامل
كوثر.... من كالت هيج اڼصدمت احس
بمعاملته الي وزاح اخلص من حجي خالتي
جان احلى يوم بالنسبة الي .. من اجه
اخذني بشرته بالحمل وحان فرحان
كولش .. كلتله ديربالك عليه .. رحت
لعيالي وجانت عمتي كاعده بالطارمة
انطيتها الورقه جان تكلي مبروك من وره
خشمها مهتميت الها اخذت الورقه ردخلت لغرفتي ..
ام علي... تعاي عيني خاتون اغسلي المواعين
ام علي... وليش يمه خاېفه على ولي العهد
ليوكع..
كوثر... لا خالة بس لازم انگل مي ..
والطارمه جبيرة والبوري صاير يم الباب
ولازم ننگل بالبنجامة جبيرة واخذها للمطبخ
طبعا صاير باخر البيت المطبخ ... كلتلها
خاله خلي تقى تنگل مي واني اغسلهن
تقى بنتها عمرها ١٤
ام علي... مو تقى خدامة عندج وعند الخلفوج
كوثر... لا مو هيج بس خلي تساعدني
ام علي... تعالي يمه تعال شوف مرتك
الشفيه شتكول
كوثر... من صاحت اجه هو ..
علي... خيرررر
ام علي... تعال شوف مريتك اكللها اغلسي
المواعين تكلي ما يعجبني اغسل تردين
انتي انگلي مي واغسليهن
كوثر...بس عمه هستوني اريد احجي جان
يجرني من شعري .. هي تصير بنت عم امي
يعني مو اختها ...
ام علي.. يعني تجذبيني مو
كوثر... مو هيج عمه وجان يجرني من شعري
ما لحكت اكمل كلامي ودفعني بالكاع
هستوه يريد يضربني جان يتذكر الطفل
علي... كوثر الطفل خو ما بي شي
كوثر... انقهرت كولش يعني مو بحالي
اهم شي عنده الطفل .. اڼفجرت هنا
وكلتله وخرررر مني حرام عليكم الي دتسونه
حجيت هيج هو طلع .. رحت لغرفتي جان.
تلحكني عمتي
ام علي... يلا لمي ملابسج واطلعي برا. بيتي
مو زين لفينه هيج شكولات وسويناج مره.
بيها حظ .. هسه يلا برا البيت
كوثر... كاعده بمكاني ومصدومه من كلامها
طلعت جان ترجع لغرفتي جان تكول
ام علي... وشغله
متابعة القراءة
