رواية اڼتقامي مختلف بقلم عادل عبدالله
المحتويات
شافك وعايزك انتي .
هند يا بابا انا وولاء شبه بعض اوي والناس بتتلخبط احيانا بينا والعريس ملحقش يدقق فيا علشان يقدر يميزنا عن بعض .
بابا بصلها وهو بيفكر وسألها ده رأيك النهائي
قالتله ايوه
بص لي وقالي ايه رأيك يا ولاء انتي فعلا طيبة وتستاهلي كل خير .
قولتله انتوا بتتكلموا بجد
ايوه العريس بصراحة كل حاجة فيه ممتازة ولما كلمته بان عليه ان شخصيته ممتازة ده غير شكله وظروفه يلا حلال عليكي انتي اختك دي مش وش نعمة .
يا حبيبتي انا نفسي اطمن عليكوا قبل ما اموت وخصوصا بعد مۏت امكم .
طيب ولو عرف ان مش انا اللي هو شافها هيبقي موقفي انا اي
ردت هند مستحيل يعرف مش ممكن .
بعدها بابا قال ولو افترضنا انه حصل وعرف ساعتها هقوله ان انا اللي فهمته غلط علشان بالنسبالك ميكونش في اي احراج .
قدامك يومين تفكري وتردي عليا وتقوليلي انك وافقتي .
وطول اليومين وانا بفكر ومش قادرة اخد قرار لأني بصراحة العريس عجبني بس كنت خاېفة الموضوع ينكشف .
ومع الضغوط من بابا وهند كمان اللي حاولت تقنعني بكل الطرق وافقت وقولت لبابا اني موافقة .
بابا وهند كانوا فرحانين اوي واحمد اخويا كمان فرح رغم انه كان علي الحياد و قالي لو انتي رفضتي فكرة بابا وهند انا مش هزعل علشان انه صحبي ولا حاجة الجواز قسمة ونصيب واهم حاجة عندي سعادتكم .
بابا و اخويا قعدوا معاهم الاول وبعدها انا دخلت وانا خاېفة مۏت من الموقف اللي ممكن يحصل .
واول لما دخلت بابا قدمني لهم العروسة مامته اخدتني بالحضن وباباه سلم عليا وقالي ماشاء الله ابني عرف يختار بعدها سلمت علي مدحت اللي كان بيدقق النظر فيا اوي ومتلخبط !!!
الفصل الثاني
لكن اول لما هند اختي دخلت وضح الارتباك اوي علي مدحت وساعتها انا فهمت انه فهم وبدأت استعد لأصعب موقف ممكن يحصل لبنت في الدنيا .
لكن بعد لحظات وانا ببص لمدحت ومستنيه رد فعله اتفاجئت به ابتسم ابتسامة طمننتي .
لما اتخطبنا فكرت كتير اني اواجهه وأسأله هو ليه وافق بعد ما عرف لكن في اخر لحظة كنت بتراجع واقنع نفسي انه معرفش يميز بينا خصوصا لما قربت منه و حبيته فعلا كأني كنت اعرفه وبحبه من زمان .
قولت لنفسي متخربيش علي نفسك بايديكي ومادام مش اتكلم في حاجة خلي كل حاجة تمشي طبيعي .
وبعد خطوبتهم بشهرين كان فرحي انا ومدحت .
مدحت عملنا فرح كبير اوي وكان فرحان اوي اوي وانا كنت حاسة اني اسعد انسانه في الدنيا .
و قضينا اجمل ايام حياتنا في شهر العسل و حبيت مدحت اكتر واكتر .
و مدحت كمان ظهر اوي انه حبني اوي .
وعلي عكس المتوقع ظهرت مشاكل كتير بين اختي هند وجوزها رغم الحب الكبير اللي كان بينهم قبل الجواز خصوصا لما عرفت انه بدأ يشرب خمړة ويتغير كتير عن قبل الجواز .
ممكن كتر الفلوس في ايده هو اللي خلاه يشرب ويتغير !! خاصة انه كان بيشتغل بمرتب كبير وعايش هو واختي حياة مرفهة الي حد كبير .
ورغم كل ده لكن اختي كانت بتحبه پجنون ومش ممكن تبعد عنه !!
اخويا احمد اتجوز وعروسته في البداية ايام الخطوبة كانت كويسة معنا جدا لكن بعد الجواز بدأت معاملتها معانا تتغير كتير وبدأت تبعد عنا وبدأت تأثر علي
متابعة القراءة
