سكريبت " غريب لكن رحيم " بقلم سلمى بسيوني
كملنا المؤتمر وكأن كل واحد فينا عامل نفسه مش داري !!
دا مقاليش كلمة عدلة !!
في آخر المؤتمر حصل تكريم، وكنت أول حد إتكرم وقتها شفت لمعة في عيون بابا عمري ما نسيتها أبدًا،
كانت نفس لمعة عيونه وهو بيبص على عمتي من التلفزيون، ساعتها فهمت أنه فهم، وحس باللي في قلبي
ولما نزلت من على المنصة لقيته فاتحلي حضنه،
أترميت فيه كأني كنت متغربة سنين،
سمعت صوته في ودني بيقول بهدوء:
_أنا أسف، مكنتش فاهمك صح
خرجت من حضنه وأنا ببص لعيونه إلي دمعت وهو بيكمل:
_كنت فاهم أنك لما تكوني زيها هتبقي أحسن، كنت فاكر إنك هتنوري بطريقتها مكنتش فاهم إن لكل وردة طريقة معينة تنور بيها، بس أنتِ فهمتيني !!
كنتِ واثقة في نفسك وفي قدراتك، وقدرتي تحققي حلمك وتوصلي رسالتك صح، أنا فخور بيكِ يا بنتي
دموعي نزلت وأنا باخد نفس عميق كأني كنت تايهة وأخيرًا لقيت مكاني ومسكني.
دخلت في حض@نه تاني وأنا مش عايزة أخرج منه تاني،
مش عايزة أخرج منه عمري كله.
فجأة سمعت صوت حمحمة فبعدت عن بابا، كان عُمر
_معلش يا دكتور عايز الدكتورة في كلمتين
بابا رفع حاجبه وهو ماسك إيدي
_خير يعني؟
_خير إن شاء الله يا دوك
بصيت لبابا بطلب فساب إيدي وهو بيتنهد
_هم كلمتين
أتحركت من جنب بابا مع عُمر وأنا مُبتسمة، لا مُبتسمة أي دا أنا طايرة
لقيته وقف قدام شباك كبير في القاعة بيطل على النيل وبدأ ياخد نَفسه وأتكلم وهو مبتسم أوي:
_أنا عايزك تاخديلي ميعاد مع الدكتور يا زينة
أستر يارب في حاجة ولا أي
_ليه خير؟
بصلي بحيرة
_عايز أتكلم معاه يا زينة !
_طب ما هو هناك أهو ما تتكلم معاه !!
هيتشل دا ولا أي
_عايز أشرب معاه الشاي طيب
بصيتله بشفقة حقيقية
_أنت معندكش شاي في البيت !!
أكيد تعالىٰ أشربه مع بابا في أي وقت !
هو بيعمل كدا ليه
_ وشك كرمش كدا ليه يا عُمر، طب خلاص بلاش بابا إبقى تعالىٰ أشربه في العيادة
_لا كدا كتير عليا، والله كتير عليا
أتحرك من قدامي وهو بيبرطم معرفش ماله !!
"مِن الصَعبِ أن أُزْهِر فِي غَير مَكاني، فإن أرغَمتنِي، خَسرتُ نَفسي وخَسرتنِي، وإن وَضعتني فِي مَوضِعي، نعمتُ، وأنرت لكَ العالم بما فيه"
