روايه انتي صوتي بقلم منار همام

...... 
ابتسمت وحطيت العلبه في ايده ومشيت.
منار همام
قاعده لوحدى ودماغي بتودى وتجيب تمام مش مشكله مش اول مره اتخزوق يعني.
حسيت بحد قعد جنبي ااه اكيد مصطفى . 
مصطفى اي مالك المرادى واحده جديده مصحابكي علشان الامتحانات ولا حد قالك حاجه ضايقتك. 
اتنهدت وبدأت اشرح لمصطفي اللي حصل.... 
مصطفي بنبره مفهمتهاش وانتي بتحبيه
هزيت راسي انا مش عارفه يمكن مجرد اعجاب .
مصطفى بضيق مني قومي يا بت 
طاب تمااااام
مصطفى اتنهد سوشي ولا بيتزا يا اخرة صبري
وطبعا مفيش ابدا مرعاة ان الواد في اخر الشهر ومفلس ف شاورتله ب الاتنين يا باشا ...
مصطفى بجديه بس نبره هزار كل جنيه صرفته عليكي هخده منك الضعف اول ما تشتغلي. 
ف سري عادي ياباشاا هخلي جوزي قرة عيني يدفعهملك. 
بما ان مفيش كليه النهارده ف انا طالعه انشر غسيل الزفت مصطفى فوق السطح. 
احيييه تخيلو كدا شفت الدكتور بتاعكم المزالرسمي واقف وساند بظهره علي صور الحيطه بيشرب شاي ولابس شبشب!!!!! 
المهم احنا ملناش دعوه انا هنشر الغسيل ومش هعبره بنفض الغسيل ف عمل صوت عالي. 
الحبل اترفع بالهدوم وهو طلع من تتحته بابتسامة امه دي . 
زين صباح الخير !!
ولا كأني سامعه حاجه
وبعدين معرفتش اقاوم مقدرش الصراحه ابتسمت ليه وهزيت راسي بمعني صباح النور ! 
شرب شويه من الشاي وكمل ولسه مركز معايا وبعدين قال مش بتنشري ليه في البلكونة عندك
اتكلمت بالاشاره وبشاورله بعيد عنك ام ساميه غاسله ولو نشرت هينزل عليه وهنمسك في شعر بعض شاورتله ع الغسيل اللي تحت .. 
ضحك وغمزاته بانت مفهمتش غير مش عارفه ام مين غاسله وهتتخانقو علشان الميه هتنزل عليه !!
قولته بوس ايدك وش وضهر علي كدا قعدنا نضحك شويه وبعدين ...
حركت ايدي بتوتر وفضلت بصاله وعاوزه اعرف حكايه مراته دى وع اللي حصل في المكتب ف فضلت مركزه معااه كتير الصراحه لقيته ابتسم وقال ... زين عايز تقولي حاجه 
هزيت راسي بسرعه وجامد ب اااه.
زين بص في المج ..وبعدين قال بتوتر وبيبصلي يشوف رده فعلي لا عادي موضوع
بسيط انفصلت عن بنت عمي وهو اټخانق معايا اني طلقتها فا انا سبت ليه البيت ومشيت بس عادي شويه وهيهدأ .
بصيت ليه بصدممه وابتسامه مقدرتش اخبيها يعني البنت دي مش مراتك 
ضحك وقال لا يا ستي مش مراتي بس هي عايشه الدور اوي.. وبعدين بصلي وقال .. 
زين احم ممكن اسالك سؤال 
هزيت راسي وقال بسرعه وهو باصص ف عيني ... هو ازي مصطفي اخوكي وسايبك تقعدي في الشقه لوحدك 
اخويااا !!!
قعدت اشرح انه مش اخويا وهو ابن عمي بس ..
زين بسرعه وقرب مني نعم يا روح امك..ازي ابن عمك بس وتسبيه يتعامل معاكي كدا 
بصتله بستغراب ....
زين مش قصدي بس از.....
بتعملي اي
دا مصطفى صح صوت مصطفي مش عارفه بس لقيتني بستخبا ورا زين منه بعد اما لف يشوف مين بيتكلم
مصطفى وربنا لقټلك يا سمھا علشان انا زهقت منك..
مصطفي لسه رايح يجيبني من وراء زين. 
زين مسك ايده 
زين بضيق خلاص يا مصطفى مش حوار يعني علشان طلعت فوق السطح وبلاش كل شويه تزعق فيها كدا. 
مصطفى وانت مالك انت 
الموضوع كبر صح طلعت من وراء زين ومسكت ايده وفضلت اشد فيه علشان ننزل و هو بص لزين بڠيظ وعصبيه. 
واحنا نزلين علي السلم
مصطفى بجمود ب وباصص قدامه بيحبك بس تايه في مشاعره 
بصوت جهورى معاندني و بتزعق في بنت عمك علشان وحده خرسه يا زين 
زين بابا متقلش كدا علي وحده من طلابي .
عزالدين دي خرسه يا زين فوق لنفسك وبنت عمك اولي منها فوق