رواية الساح@رة بقلم ميرفت السيد
ضحك ودخل المسدس بجيبه:اهو اتطمني ياللا بقى
بصيت لباب الكهف بتركيز وقريت الكلام قبل ماانطقه وترجمته
فتحت عنيا وقولتله محتاجة تركيز عشان افتح الباب
ترجمتي المكتوب
:اه
المفتاح يكمن في قوة العقل
الكنز مل-عون
الدم يبطل اللعنة
بدأ يفكر وقالي: ركزي عالمفتاح
غمضت عنيا تاني وركزت على جدتي
لحد.ماجت المرادي كان وراها ٧ سيدات يحملن نفس الملامح وكلهن يحملن شعلة نار في طابور يتقدمهم جدتي وانا واقفة قدامها
وقالتلي: ان الأوان احنا دم-ك ومعاكي افتحي الباب عشان يبقى مق-برتهم زي كل طماع حاول يستغلنا
وفجأة كلهم عملوا دايرة حواليا ومدوا أيديهم بالشعلات ناحيتي
ركزت ومديت ايديا وحسيت ان جوايا طاقة من نار بتخرج وفجأة لقيت شعلة بايديا
كل جداتي وضعوا الشعلات امامي وانا فهمت اني لازم امر بشعلتي عليهم كلهم وكل ماابص لواحدة فيهم توميء برأسها احط شعلة النار بتاعتي على شعلتها النار تزيد لحد ماشعلتي بقت متوهجة للسماء
جدتي قالتلي قوتنا اصبحت معاكي كملي للنهاية
وجهت الشعلة للكهف بابه اتفتح وجداتي كلهم اختفوا
فتحت عنيا لقيت نفسي واقفة فاردة ايديا قدامي وباب الكهف اتفتح وفارس وامنية ورجاله واقعين على ضهرهم وفي غبار شديد اكنه زلزال
ياللا بينا ياملكة انتي فعلا ملكة
قولتله: على فين
: داخل الكهف
دخلت الكهف معاهم وفجأة
يتبع…
رواية الساحرة الحلقة الثامنة
طلب من رجالته يدخلوا الاول ووراهم انا وهو وامنية
ويادوب دخلنا من هنا والباب اتقفل ورانا
الدنيا كانت كحل
فارس قال: محدش يقلق سحر هانعرف تفتحه
ولعوا كشافاتكم
فارس والكل ولعوا كشافات كانت معاهم عاملين حسابهم بقى
لما الكهف نور لقينا عالجانبين شعلات محتاجة نار بس فارس والي معاه ولعوا الشعلات بالولاعات والمكان بقى منور والرؤية واضحة
