سيـل المطر ' بــاللهجه العراقيه '

في ٢٠٠٦ في شهر ال ١١ يوم ٢
هذا اليوم المشؤم ب النسبة لي ... اسميت ذالك اليوم ب اليوم الاسود
في هذا اليوم انا بدئت ان اتجمد ... رغم صغر سني في هذا اليوم الا اني كنت ناضجة الفكر !
في صباحا يوم من الايام ..
كعدت على ريحه الخبز الي طخت ب خشمي ...
بروده الجو خلتني اتكاسل أنو اكوم من فراشي بس ما خليت النعاس يغلبني ...
باوعت من جهه اليمين نايمه اختي نيل الكبيره بالكاع يمي ...
1
طبعها لمن تنام لازم تحضن روحها ..
من الجهه الثانيه نايمه اختي تير الوسطانيه ام شعر البرتقالي والنمش و ههايي سالفتها سالفه من تنام لازم تمص ب اصبها الابهام ...

2
رحت غسلت و شديت شعري الي واصل لرجلي و بابا ما يقبل اكصه
و اجيت وكفت يم امي دا اساعدها
صبحت عليها صباح الخير يا احلا الامهات 
دحكت عليه و ردت صباح النور حبيبتي روحي كعدي خواتج و التمن يم الصوبه هسه اني اكمل و اجييكم 
رديت
ماشي 
رجت كعدت اخواتي و بدلنا للمدرسه و مشطنا شعرنا
و معدنا يم صوبه علاء الدين الي جنا نقره عليها و ناكل يمها و نكعد يمها
حتى من نسبح ب الشتاء ماما تدخلها ويانا حتى لنبرد ..
دحكت عليهم جانوا بردانين
حجت تيل
سيل ما اجت امي وينها 
رديت 
هسه هسه تجي ..
انتضرناها هواي بس طولت و ماكو
كمت دا اشوفها شفت من الشباچ واحد واكف يمها ملثم و يحجي وياها
شهكت من شفته
شكله يخوف خفت منه
صحت ب
ماماااا 
جنت طبعا واكفه ورا البرده و مدنكه
هو طفر وراح و جانت ب ايد امي علاكه ضمتها ب صدرها و دخلت و كالت
جيت جيت 
رجعت المكاني و اني افكر منو هذا 
شافتني نيل و كالت
شفت الي شفتي انت امس بليل 
دحكت اعليها و خزرتها
رديت 
لون سمع ابوي صدكي تصير سالفه و ڤضيحه سدي الموضوع 
شافتنا تير و سئلت شمالكم تتبسبسون شصاير 
رديت ما صار شي !
طبعا اني عمري ١٤ سنه اصغر منهم سيل 
نيل عمرها ١٨
و تير عمرها ١٦
احنا اصل بآبا من الغربيه امي من الشمال ابوي حبها الامي من سافر لل شمال بحكم هو شغله هناك
ف طبعا ابوي راح حجه ويا اهله على الاساس انو يمشون يخطبوها و اهله ما رضوا لان من عاداتهم ابن العم ال بنت العم و من سمعوا اهله يريد وحده من الغربيه و مذهبها مو مثل مذهبهم تسودنوا و ما رضوا
و ابوي عاندهم و اخذاها بحكم هو يحبها الامي
و ابوي طبعا تبره من اهله كلهم
وجدي الي هو ابو ابوي كال الابوي اذا طلعت من هذا البيت و اخذتها لا انت وليدي و لااا اعرفك و راح اخليك ټندم
و ابوي تخله عن كلشي في سبيل ياخذ الي يحبها 
طبعا طول هل سنين اهل ابوي محاربين ابوي بكلشي
و جدي مهدد ابوي اذا يجيب وليد ياخذه منه
و طبعا امي بكل ههل سنين ما جابت ولد و الحمد الله لان اذا اجه للدنيا راح يحرمونها منه
بكل هل سنين عايشين احنا ب بيت ملك مساحته كلش صغيره ابوي اشتغل و دفع ډم كلبه كله ؏لمود ياخذ ههل بيت و يعيشنا بي
بي بس غرفتين بس رغم كلشي احب عيشتنا مع العلم تير هواي تتبطر و تكول صديقاتي احسن من عدنا و عدهم قصور و احنا عايشين ب خرابه
مع العلم دائما مرتب و مسفط و كلشي ب مكانه و