سيـل المطر ' بــاللهجه العراقيه '

ما عرفنا شنو شنسوي
اني حاضنه ابوي و ابجي اجه ابن ساميه جرني منه و كال تعالوا نشيله ناخذه لل مستشفى
اني جنت حاضنته ما اكدر اعوفه كوه سحبوا مني
كمنا بدلنا و رحنا وياهم
و نبجي و ننوح هناك و صدك طلع مېت و متسمم
و امي لحد هسه ما الها خبر وينها
رجعونا لل بيت و ماكو ويانا ابوي !!
بقى ب المستشفى كالوا يجون اهله يستلمون جنازته و يسووله شهاده وفاه
وره ساعات اجوي نسوان سمعوا بالخبر و عزونا و راحوا
و امي لحد هسه ماڪو
صار الليل
اجوي سيارات و عكل و ناس كبار ترسوا الفرع عرفت اجوي اهل بابا
دخلوا نسوان ثنين وحده كبيره ب العمر كلش شايفتها ب الصور هاي بيبيتي!
دخلت تنعي
يمههه ياااا يمههههه حرمونيييي من وليديييييي 
وره شوي كالت
يمههههه وين بنات ابنيييي يمه وينهننننن 
اجينا يمها التمينا كلنا
هي تبجي ويانا و احنا نبجي
مدت ايدها بسناها و بسنا راسها
حضنتنا
يمه ما شايفتكم انه قبل يمههه حرموني من بنات وليدي ومن وليديييي 
هي تعرف بس نيل لان نيل الكبيره و شايفتها ب الصور طبعا
ف جانت حاضنتها
عجل يمهههه كبرانهههه يمهههه اللله ياخذ ذيج الحيه الي حرمتني منكم و من طولكم الله لا يوفقها موتتت وليدييييي 
هي كامت تنعي ب حجي ما مفهوم و احنا بس نبجي
تالي كامت و كالت
يلا يبنيات لموا غراضكم ناخذكم يمنا 
حجت تير بيبي و امي و دراستنا 
لطمت ع وجها بيبي و كالت
يمه يا دراسه عزا بعيني ولجن اذا سمع الشيخ يذبحجن وعلي ولچن ماعندنا بنات يدخلون مدارس 
احنا كمنا نبجي ب الزايد
اجت هاي المره الي جانت جايه ويا بيبي و حجت
كومن ولجن كافي عاد !! ترحن ويانا و بلا هل حجي دراسه ماكو بعد انتن من اسمنا صرتن 
خفنا منها و كمنا
حجت تير و هيه تفرفح
يآبه ليش رحت و عفتنا يم ذوله الهمججج ليشششش 
الم بهدومي و ابجي
حجت نيل و ههيه تشهك
تتوقعون شنو راح يكون مصيرنا 
رديت عليها بدون تردد
راح نعيش بذله لان محد يحبنا و راح يحرمونا من كلشي !
طلعنا كلنا لمينا غراضنا و شافتنا بيبي و حجت
شني هاي شعرچن طالع ضمنه 
دزتني نيل ع ٣ حجابات من مال امي
رحت ل غرفه امي فتحت الكنتور شفته فارغ !!
ضليت اصيح و الطم امي منهزمه !!!!
كمت الطم سمعت بيبي اجت شافت
ضلت تحجي و تلطم و تدعي عليها
ان شاء الله الله ياخذها هل هاي و الله انه عرفت هيه ورا السالفه سوت عملتها و طفرت ويا حبيبها ولججج ابنييي تخله عن امه محمد كلها و عن اهله كل هل سنين و هيج تجازي يا انتصار 
معلومه اسم انتصار هو اسم ام سليل و نيل و تير 
بقينا نلطم و نبجي تالي بيبي حرتنا و اخذتنا وياها
صعدنا ب السياره و جان واحد دا يسوق بس يغزر بيا خفت منه غطيت راسي ب كتف نيل
طلعنا لل غربيه و احنا كلشي ما نعرف ما نعرف مصيرنا شنو وين راح نروح شنو راح يصير ما نعرف
طبعا ورانا أڪو كوستر بي زلام و التابوت مال ابوي لان راح ياخذوا و يطلعون بي للنجف
من شفنا ضلينا نلطم و نبجي
تعبنا من البجي وحده صافنه ع اللخ
بيبي بدت تحجي علينا و تكول هناك مو مثل هنا و احنا بالنا مو يمها
بنص الطريق تير تخربطت و ذبت من راسها
و احنا حرنا بيها