رواية تغيرت به بقلم الكاتبة رنا ماهر

استغربت منه بالرغم من اللي هوو فيه لسه فاكر موضوعي ومركز فيه
قام بصلي بتفاجىء وقال بلهفة
= ايدك اليمين !!
– مالها ؟
مسك ايدي وقال
= انا اللي عملت كده صح ؟ ده بسبب اني مسكت ايدك بقوة وضغطت عليها بقى لونها ازرق !
– مفيش حاجة
= ازاي مفيش ؟
قعد على السرير وحط ايده على وشه وقال بنبرة عياط
= كنت هأذيكي ! بسبب غبائي وعدم تحكمي في اعصابي كنت هضرك
= افرض كنت أذيتك اكتر من كده ؟ الحمد لله ربنا سترها على قد كده
= انا لو عملتلك حاجة حتى لو مكنتش في وعيي مستحيل اسامح نفسي انا مش عايز أذيكي بأي شكل من الاشكال
– بس انا كويسة

= ممكن تليفونك اعمل منه مكالمة ؟
– اها اتفضل
اديته التليفون ودخلت جوه البلكونة حسيته عايز يكلم حد في حاجة ومش عايزني اسمع المكالمة
= الو
* مين معايا ؟

* يعني انت في الجامعة انا هجيلك

= انا هبعد عنها نهائي هحاول انساها مع ان صعب جدا اعمل كده بس المهم هتفضل كويسة وبخير
= عايز منك يا مصطفى تشوف بيت لطيف كده في جنوب المحافظة
* حاضر ولما الاقي هرن عليك او اجيلك. يلا سلام يا سيف
= سلام يا مصطفى
قفل سيف التليفون ومسح المكالمة
قام لبس الجاكت بتاعه وجالي وقالي
= انا عايز امشي من هنا
– بس المفروض تقعد لغاية ما تبقى كويس
= انا كويس المهم تعالي معايا
خرجنا من المستشفى وروحنا عند محل كبير
سيف راح عند قسم الفواكه واخد طبق او علبة فراولة
– اووووه نقطة ضعفي وصلت !
جه عند الكاشير واشتراه وخرجنا من المحل
قعدنا عند موقف العربيات وفتح علبة الفراولة
كنت هموت واقوله عايزة وحدة بس اتكسفت ومسكت نفسي بالعافية
= كلي معايا