رواية السم في العسل (كامله جميع الفصول) بقلم كوكي سامح
روقيه " بتشده عليها"
وبزعيق ( انت بتعمل اي ي مجنون سيبه،بقولك سيبه)
عمار " بصلها وضربها بالقلم وقعت ع الارض، المجهول طلع يجري لغايه ما خرج من المخزن"
معتزه " ايدها متربطه وبتحاول تفكها"
عمار قرب منها بسرعه وفك الحبل
" طلع من جيبه الخاتم "
معتزه بصدم#مه
( اي ده)
عمار
( مش عارفه ده اي ي مرات اخويا)
معتزه بارتباك
( ددده ددده ده خاتم كريم)
عمار بغضب
( اه هو خاتم كريم، بس انتى اللى بتلبسيه، تقدري تقوليلي هو كان بيعمل اي فالمستشفى في غرفه بابا يوم ما اتشالت من عليه الاجهزه وم١ت، قصدي اتقتل)
معتزه بانهيار
( والله العظيم انا ما قتلته، اليوم ده انا كنت قاعده مع روقيه بنتكلم علي موضوع منار بعد ما البوليس خدها من هنا وروقيه فضلت تزن في ودانى ان سهر هتاخد الميراث كله بالبنت اللي حامل فيها فانا اضايقت جدا)
عمار بغضب
( اه، قومتى روحتي شيلتى من عليه الاجهزه وقولتي نخلص منه وتكملي اللي عملتو منار ما اكيد هي شريكتك)
معتزه بغضب وانفعال
( لا والله، ده انا سبت روقيه طلعت اوضتها لما جالها مكالمه من مامتها وقولت اروح المستشفى
احاول اتكلم مع عمي وفعلا روحت ومكانش حد موجود جمبه خالص، دخلت عليه وكلمته، قولتلوا بلاش ظلم حرام عليك " انهارت" قولتلوا بلاش ظلم ي عمي، ليه عملت فينا كده وكتبت وصيتك وانت عايش، ليه عاوز ولادك اللي طلعت بيهم من الدنيا يقتلوا في بعض، حرام عليك الغي الوصيه واتقي ربنا ي ظالم، قلعت الخاتم من ايدي
وانا مش حاسه بنفسى، كنت عاوزاه ياخده)
" قاطع كلامها عمار بزعيق"
( اه وخده منك وبسخريه، ابويا مكانش حاسس باللى حواليه ي مرات اخويا)
معتزه
( لا مخدوش ولا حس حتي بوجودى، بس حسيت بحد بيفتح باب الاوضه، خوفت وجريت بسرعه استخبيت ورا الشباك، الخاتم وقع مني ع الارض،
لقيت حد وسكتت)
عمار
( لقيتي اي كملي)
معتزه
( شاب دخل وكان فيه ماسك ع وشه، انا كنت ببص من ورا الستاره، قفل الباب ووقف قصاد سرير عمي)
فلااااااااش بااااااااااك
معتزه " بتبص من ورا الستاره بخوف"
مجهول لابس ماسك وواقف قصاد السرير
" ابتدى يتحرك بسرعه وشال كل الاجهزه"
قلع الماسك
( انت اللي زيك يستاهل المoت الف مره ي دمنهوري وت"ف ع وشه" ( اتف"ووووو)
" لابس الماسك وخرج بسرعه"
معتزه خرجت من الغرفه بسرعه ونسيت تاخد الخاتم
عووووووووده
عمار بغضب
( انتى شوفتيه صح)
معتزه بخوف " بتهز دماغها بأه"
عمار بغضب " قرب منها ورفع ايده عليها "
( انتي تعرفيه ولا لأ ولو تعرفيه مين)
وبزعيييق
( انطقي)
معتزه " اتنفضت من الخوف"
