رواية لا افهمك (كاملة جميع الفصول) بقلم هدير محمد
تاني يوم....
' هتفطر معانا ؟
" لا...
' ليه ؟
نظر لها بحدة ثم تذكرت والداه
' اه خلاص افتكرت... اجبلك الفطار هنا ؟
" لا... كده كده هخرج دلوقتي...
' رايح فين ؟
" بتسألي ليه ؟
' عادي...
" لا مش عادي... و لا انتي بدأتي تتقمسي في دور الزوجة المُهمتة ؟
' لا طبعا... انت فهمتني غلط خالص... بسأل عادي...
' ليه ؟
اقترب منها و قال
" هل نمتي في حضني قبل كده ؟
' ايه علاڤة سؤالي بسؤالك ده ؟
" ردي بس...
' لا منمتش في حضنك قبل كده يا آسر باشا...
" يبقى اخرجي بره دور الزوجة ده لانه مش لايق عليكي...
' استغفر الله العظيم... ما تقول و انتي مالك و خلاص... لازم يعني اللفة دي...
" حبيت اوصلك ردي بطريقة كريتيڤ أكتر...
نظرت له بضيق و خرجت... ضحك آسر و اكمل إرتداي ملابسه و خرج... وجدهم مجتمعين على السفرة جميعًا... نظرت له والدته على أمل انه يأتي و يجلس معهم لكن تفادهم و ذهب...
" البطل عامل ايه ؟
* عمو آسر !!
قالها ياسين بتفاجىء... عانقه آسر و ربت على ضهره... ابتعد عنه و قال
" ايه الأخبار ؟
* انا تمام اوي... فين رنا ؟
" انا جيتلك من وراها...
* ليه ؟
" عايز اسألك كام سؤال كده...
* اتفضل...
جلس آسر بجانبه و قال بصوت منخفض
" اختك امبارح ضر*بتني...
