رواية المراهقة والثلاثيني كاملة الفصول
رواية المراهقة والثلاثيني كاملة الفصول
اسماعيل موسى
مدحت؟ أدهم بطل كذب، انا كنت ملاحظ انك بتلاحق هند فى كل مكان
هند كمان قالتلى انها قلقانه من محاصرتك ليها فى صالة الجيم
في الكافيهات
كمان اول ما دخلت شقتك انت حاولت تتحرش بيها
وقفت فى مكانى دا كلام كله كذب يا مدحت، محصلش
مدحت ______أدهم، نور قالتلى على كل حاجه، انت اتحرشت بهند
بقلك كذب يا مدحت انا معملتش حاجه
مدحت _____حصل يا أدهم، انا اصلا كنت جاي هنا عشان احاول أنهى المشكله وابعدك عن هند
كنت هتجوز هند كنا بنحب بعضنا، انت قتلت حلمى
ودا دليل على كلامى بص كده؟
ببص فى فون مدحت لقيت مقطع من كاميرات مراقبه مصورنى وانا حاطط ايدى على كتف هند
صرخت، انت مش فاهم حاجه يا مدحت، انا كنت عارف ان فيه كاميرا
فى البيت، لكن دى مش الحقيقه
مدحت امال انت سبت بيتك ليه وجريت على هنا؟
بقلك نور طلبت منى الحق هند
مدحت ____كلم نور،
نور؟. هو انتى فعلا سمعتى مكالمة هند وادهم وطلبتى منه يلحق هند؟
نور انا مسمعتش حاجه ومطلبتش منه حاجه
انا فى السماعه، نور قولى الحقيقه؟
نور ببرود الحقيقه؟ انتم فين؟ وحصل ايه؟
مدحت ببرود، أدهم اغتصب هند وقتلها
سمعت صرخة نور فى الفون قالت إنها جايه حالا
حاولت اشرح لمدحت الملابسات كلها مصدقنيش
دقايق ونور وصلت، ياه دى لو كانت تحت البيت منتظره كانت هتاخد وقت اكتر من كده عشان توصل؟
دخلت نور الشقه، يا كلب، يا جبان، بتخونى، بتغتصب صديقتى وتدبحها
انا ___نور انتى مش فاهمه حاجه
مش عايزه افهم حاجه طلقنى يا وسخ
مدحت طلع سيجاره وفضل ساكت وانا عمال افهم نور من غير فايده
طلقنى يا أدهم
مدحت بص ناحيت نور، اهدى يا نور، هند ماتت خلاص مش عايزين نخسر كل حاجه
أدهم جوزك برضك وابو طفلك
فتحت بقى من الصدمه، ابو مين؟
مدحت ___ ابنك، انت متعرفش ان هند حامل؟ انتم مجوزين يجي من اكتر من اربعين يوم؟
محصلش، صرخت، انا مدخلتش عليها غير النهرده
مدحت بعصبيه ___كفايه كذب بقا، انا استحملتك كتير، لكن تطعن فى شرف أختى هقتلك
متاه________هة
عندما يخبرك شخص ما أنه ____يحبك ____ماذا تفعل؟
مدحت _ لو طعنت فى شرف أختى هقتلك يا أدهم __
نور، لا تقتله ولا يقتلك، دا وش سجون، خاين ومغتصب، يلا طلقنى من فضلك
مدحت __ اصبرى يا نور، أدهم ممكن يحل المشكله دى
نور ____ مش عايزه حل مشاكل عايزه اطلقك؟
مدحت بص ناحيت نور __والى فى بطنك يا نور؟
نور بنظره لم تغيب عنى، وجه تلاطمه الأحزان والرعب، إلى تامر بيه يا اخويا
مدحت ولع سيجاره تانيه، بص يا أدهم فيه حلين قدامك، نبلغ الشرطه والقانون ياخد مجراه؟
او ؟
وسكت مدحت دقيقه
مدحت؟ انا مستعد لأى حاجه تانيه لكن شرطه لا
مدحت قال، كويس، بص يا ابو نسب انا هراعى العشره وانك جوز أختى، لكن انت لازم تراعى موقفى انا لازم احافظ على حق أختى
انت عارف زي انى مش ممكن اسمح انها تعيش مع قاتل؟
عايز ايه يا مدحت؟
مدحت بص فى عنيه، انت هتتنازل عن كل املاكك لنور، بعدها هتختفى من حياتها، مشفش وشك تانى هنا
وانا مش هبلغ الشرطه، كمان هتخلص من جثت هند، كده كل الأطراف هتبقى متراضيه؟
نور بزعيق، مش عايزه منه حاجه!
مدحت، اسكتى انتى، فاهمه ولا افهمك؟
نور بخوف لا فاهمه، فاهمه
