كنت في احد الايام جالسة مع زوجي في مطعم نتاول طعام الغذاء

بابا… اهلا يا ستي 

انا… هو انت مش نفسك تبقي جد 

بابا ينظر لي ويتامل 

بابا.. نفسي تكوني مبسوطه اكتر 

جد مش جد مش فارقه 

انا.. انا حامل يا بابا 

بابا… لم يتمالك نفسه بجد يا نغم بجد ويرفع يده الي السماء ياما انت كريم يا رب 

انا.. والله الدكتوره قالت لي من شوية 

بابا… يااااااه يا بنتي كان نفسي تفرحي كان نفسي اشوفك فرحانه 

الحمد لله بس خلي بالك من نفسك.. 

بلاش تنطيط وجري في الشقه 

انا.. طبعًا يا بابا 

بابا.. الاصول ان جوزك يعرف 

انا.. والله كنت عايزه اقول له بس خفت لا حضرتك تزعل 

بابا… لا قولي له وخليه يجي يتغدا معانا ونصفي الموضوع وتروحي معاه 

خلي حملك وتعبك يكون مع جوزك عشان الجنين يشعر بيكوا من اول لحظه 

انا… هقول له يجي بكره يتغدي ومش هقول له موضوع الحمل الا بكره 

بابا… ليه يا بنتي 

انا.. عندي مشوار بليل عايزه اروح لسماح اعقد معاها وهو لو عرف هيصمم اروح انهارده وسماح نفسها تشوفني وانا عايزه اعقد معاها 

بابا.. ماشي بس كلميه وصالحيه كفاية الواد ساق علينا طوب الارض 

انا حاضر.

…..

كنت واضعه زوجي في البلاك ليست 

اتصلت بيه.. رد 

زوجي… يااااااه وحشتيني قوي كده يا نغم… 

شعرت اني ظلمته الفترة اللي فاتت جدا ولم اشعر اني كنت في حما رجل محترم ملتزم الا عندما رايت عمار… 

كلمته لهفه وشوق وقولت له تعالي بكرة اتغدي معانا وانا ان شاء الله هروح معاك 

زوجي.. فرح جدا وقالي انا هجي اخدك دلوقتي انا مشتاق لك جدا 

انا… لا خليها بكره عشان اجهز نفسي وبابا عايز يعقد معاك 

زوجي.. يلمح انه مشتاق لي في العلاقه 

انا.. لا اتقل شويه 

زوجي.. يووووه هي جت

انا… اضحك لا ماجتش بس اصبر 

زوجي.. طيب اصبر ليه بقي 

انا… يا عم اصبر بقي انت علي طول كده مستعجل