رواية مريض الغرفة بقلم حبيبة ممدوح

باجي عندكم وانت صغيرة انت مش فكراني
هزيت راسي ب هدوء وقولت
_لأ مش فاكرة حضرتك بس حاسة إن شوفت الملامح دي قبل كدة .
بصلي وقال
_كنت أنا وابوكي صحاب من واحنا ف الإعدادية وجت الثانوي وعدا وكل واحد شاف طريقة أنا دخلت تجارة و ابوكي دخل طب فكرنا ساعتها إن هننسا بعض والدنيا هتاخدنا لكن حصل عكس ما توقعنا الدنيا قربتنا لبعض اكتر لحد ما المۏت جة وفرقنا اخد ابوكي وسابني لوحدي
دموعي كانت بتننزل في سكات ف كمل وقال
_اشتغلت ف المستشفى في الحسابات سنة واتنين وعشرة لحد ما الدكتور ال ماسك المستشفى اتغير ولما اتغير كل حاجة اتغيرت معاه
كانت بتحصل حاجات غريبة كل حاجة بتمشي معاه ب الفلوس كان شخص جشع ومش بيشبع فللوس أبدا لحد ما في يوم كنت داخل علشان يمضيلي ع ملف علشان اقفل الحسابات بس سمعته وهو بيتكلم مع حد
متعودتش اسمع حد او اقف ورا باب اي حد بس وقتها حسيت إن ربنا باعتني علشان انقذ الشخص ال هيحصل في كدة
سمعتة وهو بيتكلم معاهم ع الحساب وإن هياخد كام ويعمل ال عاوزينة ويخلص على والدة أحمد .
كنت سامعة هو بيقول إي وبحاول استوعب واصدق الكلام
ف قولت
_وأحمد عرف إزاي
_أحمد كان أكتر حد بيجي يزورها وبشوفه ف المستشفى كتير ف معاد الزيارة وغيره كمان وزي ما قولتلك كل حاجه ماشية ب الفلوس عند دكتور إيهاب مدير المستشفى
بقيت بتابع حالة والدة أحمد وبحاول اعرف اخبارها وف مرة كنت معدي وشوفت دكتور إيهاب بنفسة هو ال دخل وإداها إبرة ع الأساس أنها إبرة فيتامين وهتفوقها دخلت عليه لأنه ساعتها كانت دخلتة مريبة وكان بيتسحب بس لما سألتة اي ال ببيحصل اتلجلج طبعا ومكنش عارف يرد بس من ساعتها وهو حطني ف دماغة وفهم إن قربت افهم ال بيحصل
بعدها فهمت إن كل فترة بيدوها الإبرة دي وشبه السم بيتغلل ف جسم الإنسان حبة حبة لحد ما يسيطر ع جسم ب أكملة وساعتها هيقولو قضاء وقدر
ضميري مسمحليش إن اسكت روحت جري ع أحمد وقولت له بس هو معرفش يتحكم ف نفسة ولا في اعصابة وراح وڤضح الدنيا وقدم بلاغ ف القسم وجه علشان يطلع مامتة ف كانت خلاص ماټت.
سكت شوية وبعدين قال
_ملحقنهاش ساعتها أحمد جاتله حالة نفسية واخواته قررو يدخله نفس المستشفى ومن ساعتها وهو هناك وأنا علشان يسكتوني دبسوني ف شيلة مش شيلتي واترميت هنا زي ما انت شايفة
_وساكت لية اتكلم قول ع حقيقتهم
_حاولت اتكلم بس هددوني ب عيالي ومع ذلك مسكتش وكل ما بتكلم محدش بيسمعني ولا ظابط ولا اي حد مفكرني عاوزين انتقم منهم.
_مين لية يد ف مۏتها 
_الحقيقه معرفش بس هو حد من العيلة
_وهيأذيها لية
_الفلوس ي بنتي بتغير الناس
مشيت وأنا مش فاهمة هعمل إي او هروح فين بس قررت اعرف مين ال لية يد ي حرض إيهاب على كدة.
يتبع.
مشيت وأنا مش فاهمة هعمل إي او هروح فين بس قررت اعرف مين ال لية يد إن يحرض إيهاب على عاملة زي كدة
قررت هساعد أحمد واخرجه من المستشفى دي ب اقصى الطرق أحمد مش مريض هو بس كان عندة صدمة من ۏفاة ولدتة وشوية اكتئاب بس هما ال كانو عاوزين يجننوه ب العافية ويرموه هنا .
شوية شوية و بدأت حالتة تتحسن فعلا لما حس إن فعلا معاة ومش ضدده وإن هعمل وبعمل اي حاجة علشان اخرجه من هنا ع خير وحقه يرجع
_وبكدا ي أستاذ أحمد تكون كملت فترة علاجك على خير
كملت ب ابتسامة
_انت كدة قدام الورق الرسمي مية مية
وقف ف نص الأوضة بص للشباك وبعدين رجع بصلي وقال
_شكرا بجد
_شكر ع واجب يبشمهندس المهم دلوقتي تبدأ حياتك الجديدة
حاول تنسى كل ال حصل هنا
_لا مينفعش ابدأ من جديد غير لما اخلص القديم
_على اتفقنا وأنا معاك.
قرب وقال بوشوشة
_هحط الخطة واكلمك
اتكلمت بنفس الوشوشة وقولت بضحك
_خلي بالك بس ل أحسن نروح ف داهية
ابتسم وقال
_ هنتقابل أكيد
_أكيد
مشي والمستشفي حسيتها بقت فاضية مبقتش أحب اقعد فيها زي الأول وهو موجود كنت بقضي الشيفت بتاعي و أكتر بين علاجه وقعدتي معاه حاولت اخلية يثق فيا بعد ما خسر ثقتة ف