اتجوزك؟ انتي اتجن.نتي!.
فيوم واحنا قاعدين فجأه رن الجرس ومالك وفريده فتحو
■يا ماما فيه واحد غريب بيقول انه عايزك
رحت اشوف مين عالباب
- مصطفى ؟!؟!!
= ينفع تسمحيلى بس بدقيقتين من وقتك
- زى م سمحتلى بدقيقتين اوضح فيهم وادفع عن نفسى من عشر سنين صح
= اسمعينى بس يا ندى انا ندمان وحابب نرجع وهعوضك عن كل حاجه صدقينى
- هتعوضنى عن اى بالظبط ؟؟! عن شبابى الى ضاع ولا عن كميه الذل الى شفته
= اوعدك مش هشك فيكى تانى. انتى كمان متكدبيش عليا ف اى حاجه او تخبى
- وانا عشان خبيت عنك حاجه تقوم تعمل دا كله؟! للاسف تعبت نفسك وجيت فالبرد دا. روح ربنا ينتقم منك
* اليوم الى بعدو*
كنت نازله اودى العيال للمدرسه كالعاده بس فاجأنى مصطفى وهو جاى علينا
= خدى يا حبيبى اللعبه والفستان دا ليكى وانت يا مالك خد العربيه والم@سدس دول
فريده اخدت اللعبه والفستان اما مالك اخدهم منه ورماهم عالارض
■ مش باخد حاجه من ناس غريبه بعدين مامتى بتجبلى كل حاجه عايزها
-متقول انت مين ؟؟! قولهم انك السبب فكل الى عيشناه لغايه النهارده. قولهم انك السبب ف ضياع طفولتهم بسبب انك صدقت اخوك ورفضك انك تصدقنى. لو سمحت ابعد عننا وسيبنا نعيش. لسا الامور بادئه تتظبط معانا من فتره قصيره ف ياريت تنسانا وتروح تتجوز واحده تانيه وتجيب عيال تكون متأكد انهم عيالك
اخدت العيال وسبته ومشيت
*بعد المدرسه*
دخلت المدرسه اجيب العيال بس اتفاجأت ان المدرسه فيها بلالين كتير لونهم احمر زى الى بحبهم. ظهر مصطفى فجأه ووقف على ركبته
= تقبلى تتجوزينى مره تانيه وننسى كل حاجه حصلت ونبدأ صفحه جديده انا وانتى
