قفل باب الشقه وبصلى بهدوء وانا كنت واقفه مكسوفه
ليل: بصى انا كده كده مش عايز انام ف اى
كيان:اي؟
ليل:تعالى وانا اقولك اى
كيان:ليييل لا لا ليل
ليل:هشش اسكتى قولتلك انتى بتاعتى النهارده
كيان:انت مش كنت زعلانه دلوقت
ليل باسنى بقوه:قولتلك اسكتى
كيان بتذمر:انت بقيت قليل الادب اوى
ليل:اممم عارف….ووووو…..نسيبهم سوا
*فى الصباح*
صحيت من النوم كان ليل لسه نايم قومت اخدت شاور ولبست بيجامه لونها بنفسجى كان جايبهالى هديه واحنا مخطوبين دخلت المطبخ احضر الفطار وانا قلبى مرتاح انه اخيرآ بقا جنبى ومعايا ومفيش مشاكل بينا تانى…حسيت بيه وهو بيحضنى من ضهرى وبيدفن راسه فى رقبتى ابتسمت وانا بقوله
كيان: صباح الخير ياحبيبى
ليل: صباح النور ياحبيبتي… بتعملى اى
كيان بابتسامة:بعمل فطار يلا ادخل خد شاور واللبس عشان متاخدش برد وتتعب
ليل:حاضر…كيان
كيان:امم
ليل:انتى مقولتيش لمامتك اننا رجعنا لبعض محدش يعرف!!
كيان:اه صح انا نسيت تفتكر هيكون اى رد فعلها
ليل:عادى يعنى احنا عملنا حاجه حرام
كيان:ولا لما تعرف انى سيبت حازم يالهوى
ليل بضيق: استغفر الله العظيم يارب لى السيره دى دلوقت
كيان:انا اسفه مقصدش اضايقك
بصلى بضيق ودخل ياخد شاور وانا روحت مسكت فونى واتصلت على ماما قولتلها
ماما بزعيق:والله انتى عماله تطلقى من ده وترجعى ل ده بمزاجك وفين رأى اهلك من كل دههه ياهانم
كيان:ماما ليل بقى شخص تانى وكويس معايا
ماما بهدوء:خلاص ياكيان اعملى اللى انتى عايزاه
كيان:يعنى مش زعلانه
ماما:هزعل من اى المهم تكونى كويسه ومرتاحه
كيان:انا بحبك اوى ياماما وانا هقول ل ليل ونبقى نجيلك
ماما:ماشى ياحبيبتي
بعد شويه كنت أنا وليل بنفطر
كيان:ليل ممكن نبقى نروح لماما
ليل:خلينا نخرج النهارده مع بعض ونروح لمامتك وقت تانى
كيان بابتسامة:تمام
ليل وهو بيحط سندوتش فى بوقى:كلى انتى خاسه اوى لازم ترجعى زى الاول
كيان بضحك:براحه هموت
شدنى له فى حضنه:بحبك اوى ياكيان بجد واسف على كل حاجه
كيان:وانا كمان بحبك اوى ممكن بقى تنسى اللى فات لو سمحت
ليل:حاضر
