خادمة قلبي بقلم زهرة عصام

ملك: افهم بس يا سعادة البيه الحليوة وكانت لسه هتكمل كلمها شهقت لما لقت ريا خارجة ويتقول بعصبية: في اية هنا 

مالك ووليد وحازم تنحوا وملك فتحت عنيها قوي وقالت في نفسها:- تنين مهاجر اية بس دي بطل كل حاجة فيها بطل نهار ملحوث دي وسطها قد كف ايدي بصت لنفسها بحسرة وقالت: ليك حق يا سعادة البيه كنافة بالمنجة تقول عليا سيد قشطه

بصت عليهم لقتهم متنحين فركزت وقالت:- ينهار منيل قميص نوم يا قادره ومع تلت عجول محرومة من اللحمة يخربيتك هيغتصبو'كي وربنا

وبصت على مالك لقيته متنح أوي فتعصبت وقالت: اية يا شويخ المستقبل أنا علمتكم كدا غضوا البصر فين سبحتي فين سجاتي فين ايد المقشة انفض بيها 

ملك قدرت تنبهم بصوتها وريا اللي قربت عليها بقميص النوم

ريا: انتي إيه متخلفة يعني هتبقي مبسوطه لما أمد ايدي عليكي 

ملك ببلاهه بص لـ مالك وقالت: عاوزة تتحمرش بيا يا سعادة البيه الحليوة

حازم كتم ضحكته وقال: لا وانتي الصادقة دي عاوزة ترنك علقة تنيمك شهر في السرير

ملك ودانها طلعت دخان وقالت: فكرك كدا يا سعادة البيه كريم شانتيه

وليد هز راسة وقالت: لا ومش بس كدا دي بتخطط تخلي مالك يحطلها قطرة في عنيها

ملك بصت لمالك بغيظ وقالت: جبتها علينا من أنهي داهية دي ومسكت ريا من اديها جامد

حازم بمرح: اتهوري وقليعها القميص خلي الشعب يفرح يا جميلة

ملك بصتله بغضب وقالت: والشعب هيفرح أوي لما اجيبلة أحدب واجي يا سعادة البيه كريم شانتيه علي اوضتك حالا وإلا

حازم جري على اوضتة بخوف مصطنع وهو بيقول: هو فيها وإلا

ريا: سيبي ايدي بتوجعيني انتي إزاي تتجري تمسكيني كدا أنا هخلي مالك يكرشك

ملك بصت لوليد بحدة: غض البصر وعلى اوضتك يا سعادة البيه كنافة بالمنجة وإلا صف المواعين اللي جوه وترويق المعجنة دي عليك وما حد هيساعدك 

وليد لسه هيتكلم مالك بصله بتحذير بص على السجاد اللي محطوط علي الأرض وقال وهو ماشي: مش عارف مكتوب علينا نشوف سيد قشطه صبح وليل ولما نصطبح بكوكتيل يتنكد على اللي خلفونا يا اخونا ارحموا اللي جبونا بقي عاوزين تتفرج 

ملك بصت لـ مالك بشراسة وقالت وهي بتشاور عليه: وانت تدخل تستناني في اوضتك انت وعضلات السكس باكس بتاعتك دي

مالك بصد@مة: جميلة

ملك: بلا جميلة بلا بتنجان هتتعصب عليا والموضوع كله كوسة أصلا

حازم من على باب اوضتة:- اعمليهم في حلة واحدة اية مبضحكش شوفتي بتزعل إزاي

ملك جزت على سنانها وداست على ايد ريا اكتر اللي صرخت وهي بتقول: انتي يا متخلفة ايدي هتتكسر

ملك: حلو غلطت وانا كنت مستنيها تغلط وبصت لـ مالك وقالت بشخطة: ادخل جوه بعضلاتك دي وانتي يا تنين مهاجر تعاليلي يا روح خالتك مسكتها من شعرها ودخليتها اوضيتها وقفلت الباب عليها بالمفتاح من بره 

ملك: استري نفسك يا بنت سلطح ملطح مش هندبس فيكي في قضية اغتصا'ب عشان واحدة مشافتش بربع جنيه رباية بصيلي واتعلمي مني دا حتي لبسي موضة

وليد من على باب اوضتة: قادرة والله العظيم قادره متسمعيش كلامها وفرجينا على القشطة يا قشطة

ملك بصتلهم بعيون تطق شرار فدخلوا اوضيتهم جت تتحرك مالك مسك اديها وقال برقة: جميلة

جميلة في نفسها لا مش هضعف لازم أوقف التنين المهاجر دي عند حدها دا كان بيزعقلي عشانها

مالك سحبها من اديها ودخل اوضتة وقفل الباب وقال برقة: جميلة بصيلي

ملك في نفسها: ابصلك ليه كدا هقولك ارزعني بوسة مشبك زي بتاع امبارح

مالك بحنان: مش عاوزه تبصيلي يا جميلة

ملك: لا يا سعادة البيه الحليوة أنا زعلانة منك من امبارح واوعي كدا بقي عشان هنام يعانين وأقوم أكمل تنضيف

مالك: زعلانة مني اخص عليا وانا ميخصنيش زعلك حط ايدة تحت دقنها ورفعة وقرب لحد ما باسها

مالك: جميلة

ملك بتوهان: ها جميلة مين 

مالك: لسة زعلانة

ملك هزت راسها نافية وقالت: زعلانة من اية

مالك: اعملي حسابك مفيش زعل مني تاني ابدا وإلا هصالحك كدا وانتي حره وممكن الامور تتطور اكتر مين عارف

ملك بخجل: انت قيل الأدب أوي يا سعادة البيه الحليوة

مالك بضحكة: أنا محترم مع كل الناس إلا معاكي انتي يا بسبوسه بالقشطه

ملك بصت لية بتوهان: اشمعني أنا

مالك سرح في عيونها وقال: لسه مش عارفه يا ملك 

ملك بتبريقة: انت عارف

مالك: من أول يوم دخلتي هنا عاوز اقولك اني بحـ..

وليد: اصحي بقي الله يخربيت اللي يزعلك يا شيخه مش كفاية حابسة البت بقالك سعتاين ومتبتة في المفتاح مش راضية تسبية

ملك بتفوق: هو اية اللى حصل يا سعادة البيه كنافة بالمنجة

وليد: ابدا كنتي راحة لمالك دختي وقعدتي على الكنبة وأغمي عليكي بنفوقك من ساعتها وانتي ولا هنا

ملك بصت لـ مالك بعتاب وهو فهمها من غير ما تتكلم أدت المفتاح لـ وليد وقالت: قبل ما تفتح ليها اتاخد أنها مش هتخرج بقميص النوم وسابتهم ودخلت اوضيتها تستريح

ملك: شكل الخبطة بتاع امبارح ماثرة الله يسامحك يا سعادة البيه كنافة بالمنجة كان لسه هيقول بحبك في الحلم يعني لا هيبقي حلم ولا حقيقة دا الغلب دا بس يا ربي 

مالك باصص عليها واتحرك وراها لحقها قبل ما تدخل اوضيتها

مسك اديها وقال: جميلة بصيلي

ملك بصت ليه وهو بص في عنيها وقال: بحبها

ملك: هي ايه 

مالك: عيونك هي لونها الحقيقي إيه

ملك: ها لونها أزرق

مالك كويس انك خبتيها بـ لينسيز

ملك: ليه 

مالك: كنت هغيرك عليكي من أي حد يبصلها

ملك لسه هترد لقت مالك بيهز في دراعها وهو بيقول:يا بنتي صحصحي بقي 

ملك بصتله بصد@مة وسابته ودخلت وهي يتقول: الله يخربيت أحلام اليقظة بقي يعني لا في بوسة ولا في غزل الله يخربيت الظولم ها وقفلت الباب في وشة

مالك: اه يا بنت الصر'مة بتقفلي الباب في وشي وكمل بغيظ طيب يا ملك أما علمتك الأدب مبقاش أنا مالك وبص على اوضة ريا وقال: يا ريا يا حبيبت قلبي دا إحنا داخلين على شغل عالي اوي استعنا على الشقا بالله 

خادمة قلبي ١٧ 

مالك: اه يا بنت الصر'مة بتقفلي الباب في وشي وكمل بغيظ طيب يا ملك أما علمتك الأدب مبقاش أنا مالك وبص على اوضة ريا وقال: يا ريا يا حبيبت قلبي دا إحنا داخلين على شغل عالي اوي استعنا على الشقا بالله

ملك جوه هتموت من الغيظ وعمالة تاكل في نفسها

ملك: بقي يزعقلي أنا عشان خاطر اللي ما تتسمي اللي إسمها تنين مهاجر اه يا فرستي يا انا يامه اعمل ايه اعمل ايه من كتر ما هي متعصبة محستش بالوقت اللي عدي خرجت تجهز الفطار ولقت بدره الصاراصير اللي حطت منها لـ وليد قبل كدا 

ملك: و دي هنعملها ازي بقي حطيتها في جيبها وقالت: يمكن تنفع خدت تفاحة وبقت تاكل فيها وهي يتقول الله عليا والله إني عبقرية هحطهولها في العصير من غير ما حد ياخد باله 

حطت الأكل وقعدت مكانها وكل واحد قعد مكانة قامت تجيب ماية جت لقت ريا قعدت مكانها جمب مالك 

ملك وقفت وبقت تأكل في بقها بعصبية وقالت في نفسها: عنيا أوي يعني

جت قعدت جمبها على الكرسي ريا بصتلها من فوق لتحت وقالت: انتي إزاي هتقعدي تأكلي معانا ياي بجد انتي مش المفروض تأكلي في المطبخ مكان الخدامين

ملك خدت الكلمة في نفسها وبصت لمالك واستنته يتكلم بس مالك بصلها ومتكلمش

ملك بألم بس داريته وقالت: تعرفي تخليكي في حاجة يا تنين مهاجر انتي انتي شاكلك عاوزاني أكمل عليكي سبيني أكل اللقمة عشان أخلص تنضيف عاوزه أنضف البيت من التراب الجديد اللي دخله 

حازم ضحك جامد مقدرش يمسك نفسه وقال: يخربيت الجبهه دور عليها يا وليد 

وليد بص لـ ملك بعد ما عرف إنها زعلت وأنها كانت مستنية مالك ياخد حقها بس خذلها فحب يشجها وقال: انتي يا بسبوسه بالقشطه تعملي اللي إنتي عاوزاه أصلًا البيت ردت فيه الحياة من ساعة ما دخلتيه وكمل بغمزة ولو محتاجه مساعده قول يبشا وانا معاك هعمل معاكي هدنه

حازم: الله أكبر هدنة بين الكنافة بالمنجا والبسبوسة بالقشطة

مالك بصلهم هو عارف انهم بيهونوا عليها كلام ريا بس متكلمش

ريا: أصل انا الصراحة استغربت إزاي ناس في مكانتكم يسمحوا الخدامين عندهم ياكلوا ويشربوا م يتعايشوا معاهم كدا 

ملك بصت لـ مالك تاني عشان يرد لكن خيب ظنها جمعت الدموع في عنيها لكن مسمحتش انها تنزل قامت من على الأكل وقالت: الحمد لله هصبلكم عصير

حازم: بس إنتي لسه ماكلتيش يا جميلة

ملك بابتسامة باهته: شبعت يا سعادة البيه هعملكم عصير 

ريا: ياريت يكون ساقع أصل الصراحة الجو حر أوي

ملك زعلت من مالك أوي وقررت إنها مش هتديله إهتمام تاني ولا هتستني منه حاجة وحقها هتاخده من اي حد يزعلها وأولهم ريا 

بصت على كوبيات العصير بخبث وحطت بدره الصاراصير في كوباية وقالت: استعنا على الشقا بالله وقلدت ريا أصل الجو حر خالص دا انا هخليكي تعملي ساونا يا بنت كوم الشكاير

---- 

بره وليد معاتب مالك: المفروض كنت اتكلمت يا مالك مكنتش مستنية حد يتكلم غيرك انت خزلتها وصدقني هتشلهالك

حازم: دا حتي مقالتش سعادة البيه كريم شانتيه قالت سعادة البيه بس زعلت أوي كدا بس جميلة مكنتش بتزعل

وليد صحح له: مننا مش بتزعل مننا لكن في حد جديد هنا معانا 

حازم هز رأسه بتفهم وملك دخلت وزعت عليهم العصير بصمت ووقفت بعيد عنهم شوية أول ما اتاكدت إن ريا شريت العصير ضحكت بتشفي وقالت: بالشفا عشان تبقي تغلطي تاني 

بعد أقل من عشر دقائق ريا بطنها بدأت تمغص وملك ماسكة ضحكتها بالعافية