كبرياء أنثى بقلم مرام
المحتويات
العفو وانت شعليك منو حضرتك حته تحاسبني
حيدر اني اساعدج ب شغل وإذا اتاخرتي يتأخر الشغل
اني اوك وهسه شرايد
حيدر هاي الأوراق هاج اقريهه هاي الدعوى انتي راح تلزميهه بعد شويه تجي صاحبتهه
ضليت خاېفه شون راح ألزم قضيه واكون مسؤؤله عليهه من زمان ماداخله محكمه وخطيه هاي حياة ناس
اجتي الموكله مرحبا
اني اهلا وسهلا اتفضلي
اني حبيبتي امريني احجيلي بالتفصيل
وحجت كلشي قضيته طلاق وسهله بس اني خاېفه خاف ماانجح
وصار وكت طلعتي..
حيدر ها راح اتروحين
اني اي غير خلص الدوام
حيدر يله خل اوصلج
اني لا والله ماكو داعي
حيدر لا اكو داعي احنه أصدقاء ومن واجبي احميج وانتي مسؤؤله مني.
ضليت مستغربه وساكته اباوعله ب دهشه شنو هذا الحجي ال كاله..
طول الطريق وهوه ايباوع عليه وايحاول ايحجي بموضوع.
وصلت للبيت لكيت امي مسويتلي الغده بدلت واكلت وبعدين واني اريد انام كلامه بقه ببالي ونمت..
كعدت المغرب طلعت للكتب مال كليه اراجع القوانين والدستور وشنو احتاجهن وحفظتهن صار اليل حظرت ملابسي بنطرون قماش اسود وستره طويله سوده وحجاب وكويتهن وضليت اكلب بتلفون اتصلت بصديقتي صارلي هواي مامخابرتهه وسولفنه وضحكنه وبعدهي نمت..
اني صباح الخير واني مدنكه
حيدر صباح الورد شبيج دايخه?
اني ها لا والله بس كلش خاېفه من زمان مرايحه المحكمه
اني افتر رايحه جايه.. خليت الأوراق عل الميز
كعدت اني عل كرسي مقابيله
حيدر باعي عليه اتنفسي عل كيفج هدئي انتي كدهه راح اتنجحين اتريدين اجي وياج
اني اي حباب تعال علمود إذا مكدرت انت بمكاني
حيدر اوك يله كومي راح نتأخر
وصلنه المحكمه وصاحو عل اسم موكلتي ودخلت!
من شفت القاضي خفت بس الحمد لله دبرت وفزت بالقضية
وطلعت وموكلتي فرحانه واتشكرت مني وانطتني اتعابي وكلش فرحت.. شكد فشله من شفت حيدر واكف شنو زعطوطه اني وديشجعني استحيت من نفسي لازم اكون قويه واعتمد عل نفسي..
اني الحمد لله ربحت
حيدر لزم ايدي مو كتلج راح اتنجحين
اني اشكرك عل وكفتك ويايه
حيدر اي يله مراح اتعزميني
اني جنك عل عزومه ادلل بس خل ناكل بالمكتب احسن
حيدر ماشي عل راحتج
كعدنه اكلنه وطول الوكت عينه مانزلت مني وايحاول ايلمحلي بالكلام انو مهتم بيه..
رجعت للبيت وحاول انو ايوصلني مقبلت وطلعت قبله اتحججت انو اروح للسوك...
واليوم التالي هم رحت ومالكيته والحمد لله نجحت بدعوه وموكلتي كلش فرحت وكامت تجيني دعاوي هواي والمدير كومه يتشكر مني ومرت 3 ايام وحيدر ماكو.. بقيت احاول ماافكر بي مااريد اسوي شي اضوج امي بي أهم شي رضاهه..
ورابع يوم وصلت للمكتب لكيته موجود
اني صباح الخير
حيدر هلا والله شدعوه كسرتي التلفون عليه
اني هاي حياتك وانت حر بيهه
كمز من مكانه وتقرب يمي وجاب ايدي خلاهه عل كصته
حيدر جيبي ايدج وشوفي شكد درجة حرارتي صار بيه حمى ونايم بالفراش
اني عندك العافيه بعدين شغل كومه ومصارلي مجال
حيدر مصارلج مجال تسألين 5 دقايق
اني اني شعليه بيك شنو من باقي اهلي
بعدني ماكملت
متابعة القراءة
