تعرف إن فيه مخلوقات في البحر مرعبة لدرجة الأساطير؟ بقلم محمد صاوي

الباحثين استخدموا مسبار -ودا بيكون غواصة صغيرة بتنزل المكان بدون راكب لاستكشافه-، نزلوه الخندق بأسلاك فولاذية وجهاز تسجيل علشان يسجلوا الأصوات الموجودة تحت، وفعلًا وصل المسبار لمسافة 10000 متر، وكانت المفاجئة إن المسبار بدأ في تسجيل أصوات غريبة جدًا، والمرعب إن الأسلاك الفولاذية اللي نازل بيها المسبار بدأت تتسحب بطريقة غريبة، وكأن فيه كائن بيحاول يسحب المسبار تحت، وفضلوا 3 ساعات كاملين بيحاولوا يخلصوا المسبار من فك اللي بيسحبه!

وبعد نجاحهم في سحبه، بعد تقطيع بعض الأسلاك الفولاذية، وكانوا على وشك يفقدوا المسبار، كانت الصد@مة الحقيقية في إنهم لقوا آثار وعلامات أسنان على المسبار، كأن كان فيه كائن بحري ضخم جدًا بيحاول ياكله!
ولما الفريق رجع صرح وقال إن اللي حصل للمسبار سببه إنه علق دون قصد بين الصخور، وكانوا بيحاولوا يخرجوه، ولكن بعض العلماء والباحثين خرجوا وقالوا إن الطاقم بيكدب!
وصرحوا وقالوا إن آثار الأسنان دي والقوة المهولة اللي تسببت في قطع الأسلاك الفولاذية مينفعش يتسبب فيها غير قرش المجالدون، ودا نوع من أنواع القروش العملاقة المنقرضة من 3 مليون و600

 سنة! وبيوصل طوله لـ22 متر، ووزنه 45 طن، يعني كائن بيشبه في تكوينه عمارة مكونة من 7 أدوار.

تخيل معايا كائن بالشكل دا عايش على الكوكب، واحنا منعرفش عنه حاجة، وتخيل إننا اكتشفناه بالصدفة، ومن الممكن يكون فيه كائن أضخم منه!
علماء الأحياء فيما بعد قالوا إن اللي تسبب في الواقعة دي قرش المجالدون، نظرًا لحجم آثار الأسنان على المسبار، ودا لأنهم اكتشفوا قبل كدا سن عملاق بحجم إيد إنسان بالغ، ولما عملوا عليها فحوصات لاكتشاف الكائن الحامل ليها توصلوا إنها ملك لقرش المجالدون، وحجمها بيتناسب مع حجم الآثار اللي موجودة على المسبار، وقالوها صراحةً إن قرش المجالدون حاليًا موجود في خندق ماريانا!
بعد كام سنة حصلت حادثة غريبة جدًا جدًا جدًا جدًا.
كان فيه سفينة بضائع يابانية بتمر بالقرب من خندق ماريانا، فجأة شيء خبطها من الجنب وقلب السفينة بكل سهولة في المياه، والأحوال الجوية كانت مستقرة جدًا ومكنش فيه صخور في المكان!… يتبع