تعرف إن فيه مخلوقات في البحر مرعبة لدرجة الأساطير؟ بقلم محمد صاوي
المحتويات
تعرف إن فيه مخلوقات في البحر مرعبة لدرجة الأساطير؟
خليني أصدمك وأقول لك إنك كل ما هتنزل تحت في البحر وتتعمق، كل ما المخلوقات اللي عايشة فيه بتزيد رعب وشراسة.
وعلشان كدا لما تسمع اسم "خندق ماريانا" لازم تعرف إنه الرعب متجسد، ولازم تعرف إن الإنسان مقدرش يعرف شكل وحجم المخلوقات اللي عايشة فيه، بس اللي قدروا يعرفوه إن اللي موجود في الخندق دا هو المoت، بس، مافيش حاجة تانية، لو نزلت هتقابل المoت متجسد على هيئة أرعب المخلوقات اللي خلقها ربنا.
سافر عبر الفضاء، غطس في المحيطات، تسلق الجبال، شرَّح حيوانات، كشف معلومات كتير عن التاريخ، عرف شكل وهيكل حيوانات انقرضت من آلاف السنين!
تخيل معايا إنك لابس بدلة غطس، ونزلت غطست في المحيط، بتحس بضغط غريب في جسمك، وبتحس بعدم اتزان، وإن جسمك هينفجر، لأن ضغط المياه كل ما العمق زاد بيكون صعب جدًا تحمله، حتى لو على سفينة غطس.
ولكن مع الوقت قدر الإنسان بالعلم والتكنولوجيا إنه يكتشف أعمق نقطة على سطح الأرض، وهي خندق ماريانا، ولكن مقدرش يعرف كل حاجة عن مخلوقاته.
وعلشان تتخيل مدى عمق الخندق، تخيل معايا إننا خدنا جبل إيفريست وغرقناه في الخندق، عارف هيحصل إيه؟! الجبل كله هيتغرق وهيفضل مساحة 2 كيلو متر مياه فوق!
المساحة مهولة، ومرعبة، ومن الصعب جدًا حد يقدر يبلغ نهايتها!
الخندق مرعب، مبيحملش في جوفه غير كائنات متوحشة، واللي لحد دلوقتي مش عارفين نكتشف معظمها، منخفض عميق جدًا في قاع المحيط على شكل حرف "V"، مكانه في غرب المحيط الهادي بالقرب من جزر الماريانا، اللي يُقال إنه اتكون من تحركات الصفائح التكتونية نتيجة للزلازل على مر التاريخ، ويُقال إن الخندق عمره أكتر من 170 مليون سنة، ودا بيرجح إنه أقدم مكان وأعمق مكان على سطح الأرض!
ولازم تعرف قبل ما ابدأ إننا قبل ما نكتشف خندق ماريانا كان لنا اكتشافات عظيمة وعميقة في المحيطات، زي اكتشاف المحيط الشمالي المتجمد، والمحيط الأطلسي، والمحيط الهندي، والمحيط الهادي.
وقدرنا مع الوقت نعرف أعمق النقط اللي في المحيطات على الأرض، زي حوض أوراسيا في المحيط الشمالي المتجمد ودا عمقه 5450 متر، وخندق جافا في المحيط الهندي عمقه 7725 متر، وخندق بورتو ريكو في المحيط الأطلسي ودا عمقه 8648 متر.
ولحد وقت قريب كنا فاكرين إن أعمق نقطة على سطح الأرض هو خندق بورتو ريكو، لحد ما قدرنا نكتشف خندق ماريانا اللي في المحيط الهادي وبيبلغ عمقه لـ11033 متر!
ولكن!
إيه هو الخندق؟
وليه مرعب بالشكل اللي بيصدره الإعلام العالمي؟
تعالى معايا، وأنا هقول لك… يتبع
متابعة القراءة
