تعرف إن علامات الساعة الصغرى تقريبًا كلها حصلت بقلم محمد صاوي

1) كثرة المال والاستغناء عن الصدقة:

إن تكون الفلوس كتير وماحدش يتصدق، وبيُقال إن دا حصل وقت الفتوحات الإسلامية وكانت الكنوز كتير من أموال الفرس والروم، وحصل برضه في زمن (عمر بن عبد العزيز) لحد ما بقى الراجل منهم معاه أموال كتير ويعرض الصدقة وميلاقيش اللي يقبلها، ويُقال إن دا هيحصل تاني في زمن (المهدي) والله أعلم.

ولكني أنا شخصيًا شايف وجهة نظر تانية وهي إن دلوقتي الأغنياء مبيتصدقوش على الفقراء، ودا يُعد تفسير للعلامة دي برضه والله أعلم.

2) ظهور الفتن:

والمقصود بالفتن هنا إن الناس تقع في مكروه زي الكفر والقتل والعصيان وما شابه، ودا بيحصل كتير جدًا دلوقتي.

3) انتشار الأمن:

ودا معناه إن البلاد الإسلامية تبقى آمنة، وينتقل المسلم ويسافر من مكان للتاني من غير ما يخاف على نفسه أو أهله أو ماله أو عقله أو دينه.

ودا حصل في زمن الصحابة لما فتحوا البلدان وانتشر الإسلام فيها، وهيعود لما يظهر (المهدي) المنتظر وسيدنا (عيسى) -عليه السلام-… يتبع

4) ضياع الأمانة:

والأمانة هنا بتشمل كل شيء ومن ضمنها إن الإنسان يتبع أمر الله ويجتنب النهي عنه، والرسول -صلى الله عليه وسلم- قال إن الأمانة هتنتزع من القلوب فيصير الرجل من أهل الخي،ـانة بعد أن كان من الصالحين.

ودا موجود كتير جدًا في زمننا.

5) انتشار الزنا:

ودا طبعًا كلنا شايفينه بكثرة، بل إن الناس بدأوا يشوفوه حلال، ورغم إنه موجود في بلاد المسلمين

 ولكنه موجود جهرًا في الغرب، وأعتقد دا المقصود هنا، لأن اتقال هيجي زمان تكون فيه الذمم قد فسدت حتى الرجل قد يفعل ذلك جهارًا نهارًا.

6) انتشار الربا:

خير مثال البنوك والقروض وغيره كتير من الربا بيحصل بيننا.

7) كثرة شرب الخمر:

طبعًا الكل بقى بيتفاخر بالعادة السيئة دي دلوقتي، فحدث ولا حرج. ومن ضمن شروطها إن هيظهر ناس هتحللها ودا حصل مؤخرًا بالمناسبة، وبقت بتتباع عادي جدًا وكمان بقى اسمها "المشروبات الروحية".